Arautegia
Inprimatu1891/2023 EBAZPENA, irailaren 29koa, Osakidetza-Euskal osasun zerbitzuko zuzendari nagusiarena, zeinaren bidez izendatzen den lekualdatze-lehiaketa ireki eta iraunkorreko epaimahai kalifikatzailea Osasun-Laguntzaileak lanbide-talderako, Osakidetza-Euskal osasun zerbitzuko zerbitzu sanitarioetako erakundeetako destinoetarako. (Erizaintzako Laguntzailea eta Farmaziako Laguntzailea kategorietako 2023ko martxoko zikloa eta 2023., 2024. eta 2025. urteetan argitaratuko diren Teknikari Laguntzaile Sanitarioak lanbide-taldeko kategoria guztietako destinoak eskaintzeko zikloak).
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 200
- Hurrenkera-zk.: 4763
- Xedapen-zk.: 1891
- Xedapen-data: 2023/09/29
- Argitaratze-data: 2023/10/19
Gaikako eremua
- Gaia: Administrazioaren antolamendua
- Azpigaia: Gobernua eta herri administrazioa; Sailak; Funtzio publikoa
Testu legala
Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren bidez, Osakidetza-Euskal osasun zerbitzua Ente Publikoan oinarrizko destinoak betetzeko lekualdatze-lehiaketa ireki eta iraunkorraren prozeduraren oinarriak onartu ziren (2019ko abenduaren 24ko EHAA 244. zk.).
Osakidetza-Euskal osasun zerbitzuko zuzendari nagusiaren otsailaren 26ko 274/2021 Ebazpenaren bidez, Lekualdatze-lehiaketa ireki eta iraunkorraren deialdia egin zen Osakidetza-Euskal osasun zerbitzuko zerbitzu-erakundeetan destinoa duten Teknikari Laguntzaile Sanitarioak lanbide-taldeko Erizaintzako Laguntzailea kategorian (2021eko martxoaren 9ko EHAA 49. zk.).
Osakidetza-Euskal osasun zerbitzuko zuzendari nagusiaren otsailaren 26ko 275/2021 Ebazpenaren bidez, Lekualdatze-lehiaketa ireki eta iraunkorraren deialdia egin zen Osakidetza-Euskal osasun zerbitzuko zerbitzu-erakundeetan destinoa duten Teknikari Laguntzaile Sanitarioak lanbide-taldeko Farmaziako Laguntzailea kategorian (2021eko martxoaren 9ko EHAA 49. zk.).
Osakidetza-Euskal osasun zerbitzuko Giza Baliabideen zuzendariaren ekainaren 26ko 585/2023 Ebazpenaren bidez, Lekualdatze-lehiaketa ireki eta iraunkorreko 2023ko martxoko zikloaren destinoen eskaintza argitaratu zen Osakidetza-Euskal osasun zerbitzuko zerbitzu-erakundeetan destinoa duten Teknikari Laguntzaile Sanitarioen lanbide-taldeko Erizaintzako Laguntzaileen kategorian. Ebazpen hori 2023ko uztailaren 6an argitaratu zen (EHAA 128. zk.), eta uztailaren 19ko 945/2023 Ebazpenak (abuztuaren 11ko EHAA) eta abuztuaren 9ko 1085/2023 Ebazpenak (irailaren 7ko EHAA) aldatu zuten.
Osakidetza-Euskal osasun zerbitzuko Giza Baliabideen zuzendariaren apirilaren 27ko 438/2023 Ebazpenaren bidez, Lekualdatze-lehiaketa irekia eta iraunkorreko 2023ko martxoko zikloko destinoen eskaintza argitaratu zen Osakidetza-Euskal osasun zerbitzuko zerbitzu-erakundeetan destinoa duten Teknikari Laguntzaile Sanitarioak lanbide-taldeko Farmaziako Laguntzailea kategorian. Ebazpen hori 2023ko maiatzaren 16an argitaratu zen (EHAA 91. zk) eta abuztuaren 9ko 1085/2023 Ebazpenak (irailaren 7ko EHAA) aldatu zuen.
Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenaren bidez, zenbait alderdi ezarri ziren Osakidetza-Euskal osasun zerbitzuko Lekualdatze-lehiaketa ireki eta iraunkorreko epaimahaietako kideak izendatzeko, eta zehaztu zen epaimahai batek bilduko dituela Teknikari Laguntzaile Sanitarioak lanbide-taldean integratzen diren kategoriak. Ebazpen hori partzialki aldatu zen Osakidetza-Euskal osasun zerbitzuaren zuzendari nagusiaren uztailaren 8ko 922/2021 Ebazpenaren bidez.
Osakidetza-Euskal osasun zerbitzuko zuzendari nagusiaren uztailaren 3ko 1314/2023 Ebazpenaren bidez, zenbait irizpide ezarri ziren Osakidetza-Euskal osasun zerbitzuko lekualdatze-lehiaketa ireki eta iraunkorreko epaimahaiak berritzeko eta epaimahaikideak izendatzeko.
2019ko azaroaren 27ko Erabakiaren 10.1. oinarriarekin eta aurreko paragrafoan aipatutako Ebazpenean ezarritako irizpideekin bat etorriz, Osakidetza-Euskal osasun zerbitzuko Zuzendaritza Nagusiak Lekualdatze-lehiaketa kalifikatuko duen epaimahaia izendatuko du, eta denboraldi jakin baterako izendapena ezarri ahalko du, epaimahai horrek hurrengo esleipen-prozesuetan egin ahal izan ditzan baremazio- eta balorazio-zereginak.
Izendapen hau aipatutako ebazpenean ezarritako zozketaren ondoren egiten da, eta hautatuak izan diren langileek alegatzen dituzten abstenitzeko eta errekusatzeko arrazoiak eta dispentsa eskatzeko arrazoiak aurkezteko emandako epea igaro ondoren.
Horiek guztiak horrela, eta indarrean dagoen legedian pertsonaleko gaietan aitortuta ditudan eskumenez baliatuta, honakoa
Lehenengoa. 2023ko martxoaren zikloko eta indarreko urtean eta 2024. eta 2025. urteetan argitaratuko diren destino-eskaintzako zikloetako epaimahai kalifikatzailea izendatzea Teknikari Espezialista Sanitarioak lanbide-taldeko kategoria guztietan. Ebazpen honen eranskinean agertzen diren kideek osatuko dute epaimahai hori.
Osakidetza-Euskal osasun zerbitzuko Administrazio Kontseiluaren 2019ko azaroaren 27ko Erabakiaren 10.1 apartatua eta Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenaren Lehen apartatua aplikatuz, izendapen hori 2023ko martxoko zikloa amaitu arte luzatuko da, baita urte horretan eta 2024an eta 2025ean argitaratzen diren destino-eskaintzako zikloen zikloa amaitu arte ere, eta beste bi urte gehiago luzatu ahal izango dira dagozkien kideentzat, betiere esperientzia duten epaimahaikideak izan daitezen.
Prozesuen jarraipena bermatzeko eta epaimahaiak beti esperientzia duten kideak izan ditzan, Osakidetza-Euskal osasun zerbitzuko zuzendari nagusiaren urtarrilaren 26ko 112/2021 Ebazpenak ezarri zuen epaimahaikideen % 50 behin bakarrik luzatzea, bi urtez, eta epaimahaikideen beste % 50a berritzea, eta horrela hurrenez hurren, bi urtetako ziklo-aldiak amaitzen diren bakoitzean.
Ebazpen hori betez, Osakidetza-Euskal osasun zerbitzuko zuzendari nagusiaren uztailaren 3ko 1314/2023 Ebazpenak epaimahaiburu eta epaimahaiko lehenengo, bigarren eta hirugarren epaimahaikide izendatutako pertsonak berritzea erabaki zuen. Era berean, urtarrilaren 26ko 112/2021 Ebazpenean ebatzitakoa betez, uztailaren 3ko 1314/2023 Ebazpenak erabaki du izendapena luzatzea laugarren eta bosgarren batzordekide eta idazkari izendatutako pertsonei, titularrei zein ordezkoei.
Izendapena luzatzea erabakitzen bada, Zuzendaritza Nagusiaren ebazpen bidez egingo da.
Bigarrena. Ebazpen honek adierazita daukan egunetik aurrera izango ditu ondorioak.
Hirugarrena. Ebazpen hau Osakidetza-Euskal osasun zerbitzuaren webgunean argitaratzeko agintzea.
Laugarrena. Administrazio Publikoen Administrazio Prozedura Erkidearen urriaren 1eko 39/2015 Legeak, Euskadiko Antolamendu Sanitarioaren ekainaren 26ko 8/1997 Legeak eta Osakidetza-Euskal osasun zerbitzuko Estatutu Sozialak ezartzen dituen azaroaren 11ko 255/1997 Dekretuak ezarritakoaren arabera, ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratu eta hurrengo egunetik aurrera.
Vitoria-Gasteiz, 2023ko irailaren 29a.
Osakidetza-Euskal osasun zerbitzuko zuzendari nagusia,
MARÍA ROSA PÉREZ ESQUERDO.
Epaimahaiburua:
Titularra: Amaia Vallejo Jobajuria.
Ordezkoa: Óscar Vázquez Pedrosa.
Lehenengo epaimahaikidea:
Titularra: María Teresa Val Armentia.
Ordezkoa: José Luis Velasco Rodríguez.
Bigarren epaimahaikidea:
Titularra: Rául Vázquez Salvador.
Ordezkoa: María Candelaria Valdelvira Serrano.
Hirugarren epaimahaikidea:
Titularra: Azucena Valbuena Laria.
Ordezkoa: Borja Vizcarguenaga Ruiz.
Laugarren epaimahaikidea:
Titularra: Fernando Abin Uzabal.
Ordezkoa: Margarita Zafra Ruiz.
Bosgarren epaimahaikidea:
Titularra: June Zabaleta Íñiguez de Nanclares.
Ordezkoa: Modesto Alconada González.
Idazkaria:
Titularra: Javier Arispe Ruiz de Gauna.
Ordezkoa: Nerea Arenas Vázquez.
Gaiarekin lotutako edukiak
Arauaren historia (3)
- Aldatutakoa: 108/2024 EBAZPENA, urtarrilaren 19koa, Osakidetza-Euskal osasun zerbitzuko zuzendari nagusiarena, irailaren 29ko 1888/2023, 1889/2023, 1890/2023, 1891/2023, 1892/2023 eta 1893/2023 ebazpenak aldatzen dituena. Ebazpen horien bidez, Osakidetza-Euskal osasun zerbitzuko oinarrizko destinoak 2023ko martxoko zikloan eta 2023-2024-2025eko eskaintza-zikloetan betetzeko lekualdatze-lehiaketa ireki eta iraunkorreko epaimahai kalifikatzaileak izendatzen dira.
- Ikus: 275/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetzako zerbitzu-erakundeetan destinoa duten teknikari laguntzaile sanitarioak lanbide-taldeko Farmaziako Laguntzailea.
- Ikus: 274/2021 EBAZPENA, otsailaren 26koa, Osakidetza-Euskal osasun zerbitzuko zuzendari nagusiarena, zeinaren bidez lekualdatze-lehiaketa ireki eta iraunkorraren deialdia egiten den kategoria honetan: Osakidetza-Euskal osasun zerbitzuko zerbitzu-erakundeetan destinoa duten teknikari laguntzaile sanitarioen lanbide-taldeko Erizaintzako Laguntzailea.
