Arautegia

Inprimatu

1531/2022 EBAZPENA, irailaren 12koa, Osakidetza-Euskal osasun zerbitzuko zuzendari nagusiarena, zeinaren bidez Osakidetza-Euskal osasun zerbitzuko zerbitzu-erakundeetako profesionalen lanbide-garapeneko maila aitortzeko eskaerak ebazten diren eta behin betiko esleipena argitaratzeko agintzen den, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren bidez argitaratutako lanbide-garapeneko ezohiko deialdiaren esparruan.

Identifikazioa

  • Lurralde-eremua: Autonomiko
  • Arau-maila: Ebazpena
  • Organo arau-emailea: Osakidetza-Euskal Osasun Zerbitzua
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 188
  • Hurrenkera-zk.: 4239
  • Xedapen-zk.: 1531
  • Xedapen-data: 2022/09/12
  • Argitaratze-data: 2022/09/30

Gaikako eremua

  • Gaia: Administrazioaren antolamendua
  • Azpigaia: Gobernua eta herri administrazioa; Funtzio publikoa
Deskribapenak

Testu legala

Osakidetza-Euskal osasun zerbitzuan lan egiten duten lizentziadun sanitarioen, diplomadun sanitarioen eta langile ez-sanitarioen eta lanbide-heziketako profesional sanitarioen lanbide-garapena arautzen duten azaroaren 22ko 395/2005 Dekretuaren, otsailaren 27ko 35/2007 Dekretuaren eta abenduaren 26ko 248/2007 Dekretuaren 11. artikuluak ezartzen du Osakidetzako Zuzendaritza Nagusiari dagokiola langileak mailetan kokatzeko ebaluazio-prozesuaren deialdia egitea.

Osakidetzako zuzendari nagusiaren ekainaren 2ko 1208/2022 Ebazpenaren bidez, arautu egin ziren Osakidetzaren mendeko zerbitzu-erakundeetako profesionalei lanbide-garapenaren maila esleitzeko ezohiko deialdiaren baldintzak, eskaerak eta prozedura.

Osakidetza-Euskal osasun zerbitzuko Giza Baliabideen zuzendariaren abuztuaren 12ko 693/2022 Ebazpenak agintzen du Osakidetza-Euskal osasun zerbitzuko zerbitzu-erakundeetako profesionalen lanbide-garapeneko mailaren behin-behineko esleipena argitaratzeko, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren bidez argitaratutako lanbide-garapeneko ezohiko deialdiaren esparruan.

Garapeneko eta Prestakuntzako zuzendariordearen ordezko gisa, Osakidetza-Euskal osasun zerbitzuko Giza Baliabideen zuzendaria ez dagoelako 2022ko abuztuaren 22ko 704/2022 Ebazpenaren bidez, Osakidetza-Euskal osasun zerbitzuko Giza Baliabideen zuzendariaren abuztuaren 12ko 693/2022 Ebazpenean ezarritako epea handitu zen; hori atzemandako oker materialagatik zuzendu zen 702/2022 Ebazpenaren bidez.

Osakidetza-Euskal osasun zerbitzuko zuzendari nagusiaren 1208/2022 Ebazpenaren 5. artikuluan aurreikusitakoaren arabera, ezohiko deialdian bertan ezarritako epean egindako erreklamazioak ebatzi ondoren, eta 1208/2022 Ebazpenaren 2.2 artikuluan ezarritako ofiziozko eskaerak egin ondoren, bidezkoa da onartzea lanbide-garapeneko mailen behin betiko esleipena.

Aurreko guztiagatik, eta emandako ahalmenez baliatuz, hau

EBAZTEN DUT :

Lehenengoa. Osakidetza-Euskal osasun zerbitzuko zuzendari nagusiaren 1208/2022 Ebazpenaren bidez argitaratutako deialdian parte hartu duten Osakidetzako zerbitzu-erakundeetako profesionalen lanbide-garapeneko mailen behin betiko esleipena onartzea, Ebazpen honen eranskinetan jasotako zerrendaren arabera:

I. eranskina: Lanbide-garapeneko I. maila aitortua duten profesionalen behin betiko zerrenda. II. eranskina: Lanbide-garapeneko II. maila aitortua duten profesionalen behin betiko zerrenda. III. eranskina: Lanbide-garapeneko III. maila aitortua duten profesionalen behin betiko zerrenda. IV. eranskina: Lanbide-garapeneko IV. maila aitortua duten profesionalen behin betiko zerrenda.

Bigarrena. Aitortutako maila bakoitzaren ordainsari-ondorioen data kasu bakoitzari dagokiona izango da, Osakidetza-Euskal osasun zerbitzuko zuzendari nagusiaren ekainaren 2ko 1208/2022 Ebazpenaren 6. artikuluan ezarritakoaren arabera.

Interesdunak esleitu zaion garapen profesionaleko maila kontsultatu ahal izango du Osakidetza-Euskal osasun zerbitzuaren garapen profesionaleko aplikazio informatikoan, helbide honetan: https://lanbidegarapena.osakidetza.eus

Hirugarrena. Ebazpen hau Euskal Herriko Agintaritzaren Aldizkarian argitara dadila agintzea.

Laugarrena. Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2022ko irailaren 12a.

Osakidetza-Euskal osasun zerbitzuko zuzendari nagusia,

MARÍA ROSA PÉREZ ESQUERDO.

(Ikus .PDF)

(Ikus .PDF)

(Ikus .PDF)

(Ikus .PDF)

Gaiarekin lotutako edukiak


Arauaren historia (2)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.