Bilgarrien ekodiseinuaren gidaliburu honekin ekodiseinua aplikatzeko laguntza eta orientabidea eskaini nahi zaizkie merkatuan bilgarriratutako produktuak merkaturatzen dituzten enpresa guztiei. Zehazki, ekodiseinuaren gidaliburuak bilgarrien ekodiseinuaren hiru kasu praktiko jasotzen ditu, hurrenez hurren, bilgarriak fabrikatzen dituen enpresa baten, bilgarriratze-enpresa baten eta kontsumo-ondasunen banatzaile baten ikuspuntutik eginak.