Diru-laguntzak eta bekak

2023-2024ko euskarazko prestakuntza-eskaintza finantzatzeko dirulaguntzen deialdia, lehentasunez langabeei zuzendua

[EUS23]

Lanbide - Euskal Enplegu Zerbitzua
Europako Gizarte Funtsa (EGIF)

Deskribapena

Xedea

Enplegurako Lanbide Heziketa arautzen duen maiatzaren 31ko 82/2016 Dekretuaren esparruan, lehentasunez langabeei zuzendutako lanbide-gaitasunen prestakuntza-ekintzak egitea euskaraz.

Aurrekontuko zuzkidura

500.000 €

Prestazio ekonomikoa

Deialdi hau finantzatzeko baliabide ekonomikoak 500.000 euro dira; horietatik 250.000 euro 2023ko ordainketa-kredituari dagozkio, eta 250.000 euro 2024ko konpromiso-kredituari.

Emateko prozedura norgehiagokakoa izango da, egintza bakarrean.

75.000 € gehienez, erakunde onuradun bakoitzeko, eta espezialitate bereko bi ekintza, 200 ordutik gorakoak, eta espezialitate bereko hiru prestakuntza-ekintza, 200 ordutik beherakoak. Gehienezko muga hori gainditu ahal izango da aurrekontu-kreditua agortzeko, baldin eta soberakinik badago.

Eskabideak aztertu eta ebaluatzeko, ebaluazio-batzorde tekniko bat sortuko da.

Eskabideak deialdi honen 8. artikuluan aurreikusitako irizpideen arabera baloratu ondoren, Balorazio Batzordeak behin-behineko ebazpen-proposamena egin eta Lanbide-Euskal Enplegu Zerbitzuko zuzendari nagusiari helaraziko dio. Proposamen hori Lanbideren webgunean argitaratuz jakinaraziko da, eta 5 egun balioduneko epea emango die erakunde interesdunei, behin-behinean onartutako ekintza guztietan alegazioak aurkezteko edo atzera egiteko. Behin-behineko ebazpenak ez du inolako eskubiderik sortzen onuradun gisa proposatutako erakundeen alde. Alegazioak aztertu ondoren, ebaluazio-batzordeak behin betiko ebazpen-proposamena egingo du, onartutako prestakuntza-ekintzak eta horien zenbatekoa jasoko dituena, lehentasun-ordenaren arabera. Entitateek 5 egun balioduneko epea izango dute prestakuntza-plan osoaren onarpena edo ukoa telematikoki jakinarazteko LanF aplikazioan. Epe hori igarota, jakinarazpenik aurkezten ez bada, dirulaguntzari uko egiten diotela ulertuko da.

Ordainketa-modua:

Dirulaguntzak honela ordainduko dira:

  • Lehenengo ordainketa diru-laguntza osoaren %50 izango da, lehenengo prestakuntza-ekintza hasi dela jakinarazi ondoren.
  • Bigarren ordainketa bat, prestakuntza-planari dagokion gainerako diru-laguntzagatik, prestakuntza-ekintza guztiak amaitzean.

Nori dago zuzenduta

Prestakuntza-erakunde publikoak edo pribatuak

Deialdi hau argitaratu aurretik Lanbide-Euskal Enplegu Zerbitzuak kudeatutako prestakuntza-erakundeen erregistroan, autonomia-erkidegoko enplegurako prestakuntza-erakundeen beste edozein erregistrotan edo Prestakuntza Erakundeen Estatuko Erregistroan egiaztatutako eta/edo inskribatutako prestakuntza-erakunde pribatuak edo publikoak.

Betekizunak

  • Laguntza eskatzen duten prestakuntza-planak gauzatzeko behar diren giza baliabideak eta baliabide materialak izatea, edo prestakuntza-jarduera hasten den unean diru-laguntza esleitu ondoren plan horiek edukitzeko konpromisoa hartzea.

  • Helburu bererako diru-laguntzak, laguntzak, diru-sarrerak edo bestelako baliabideak eskatu eta, hala badagokio, eskuratu direla jakinaraztea, beste administrazio edo erakunde publiko zein pribaturen batetik.

  • Dirulaguntzak itzultzeko dagozkion ordainketa guztiak eginak izatea

  • Zigor- edo administrazio-arloan dirulaguntza edo laguntza publikoak lortzeko aukera galtzeko zigorrik ez jaso izana, ezta horretarako ezgaitzen duen legezko debekurik ere, Emakumeen eta Gizonen Berdintasunerako otsailaren 18ko 4/2005 Legearen arabera edo emakumeen eta gizonen benetako berdintasunerako martxoaren 22ko 3/2007 Lege Organikoaren arabera sexu-diskriminazioarengatik gertatutakoak barne

  • Ez egotea dirulaguntzei buruzko azaroaren 17ko 38/2003 Lege Orokorraren 13.2 artikuluan aurreikusitako gainerako egoeren eraginpean, dirulaguntzen onuradun izateko baldintzei dagokienez.

  • Merkataritza-eragiketetan berankortasunaren aurkako neurriak ezartzen dituen abenduaren 29ko 3/2004 Legean aurreikusitako ordainketa-epeak beteta izatea, 30.000 eurotik gorako dirulaguntzetarako

Araudia

Erakundeak

Deitzen duen erakundea

  • Lanbide - Euskal Enplegu Zerbitzua > Lanbideko Zuzendari Orokorra - Euskal Enplegu Zerbitzua

Ebazten duen erakundea

  • Lanbide - Euskal Enplegu Zerbitzua > Lanbideko Zuzendari Orokorra - Euskal Enplegu Zerbitzua

Finantzatzen/kofinantzatzen erankundea

  • Europako Gizarte Funtsa (EGF)

Kontaktu-informazioa

Erakundeei eta Enpresei Arreta emateko Zerbitzua

945 160 601 (Informazio orokorra / Información general)

Kodea

1234701

Eskabidea eta dokumentazioa aurkeztea

Eskaerak elektronikoki izapidetuko dira Lanbide-Euskal Enplegu Zerbitzuaren prestakuntzarako aplikazio informatikoaren bidez (LAN-F), eta erakundearen legezko ordezkariak elektronikoki sinatu beharko ditu. Aplikazio honetara sartzerik ez duten erakundeek Lanbideren web-orriaren bidez eskatu ahal izango dute.

Eskaerak elektronikoki izapidetu ahal izango dira ordezkari baten bidez, eta, horretarako, ordezkaritza Eusko Jaurlaritzako Ordezkarien Erregistroan inskribatu ahal izango da, helbide honetan: https://www.euskadi.eus/ahalordeen-erregistro-elektronikoa/web01-sede/eu/

Prestakuntzarako aplikazioa (LANF)

Ebazpena eta errekurtsoak

Ebazteko epea

6 hilabete eskaera egin denetik.

Diru-laguntza emateko modua

Lehiaketa

Isilbidearen ondorioak

Gaitzetsiak

Ebazpena emana

Hirugarrenaren datuen alta edo aldaketa Ogasun eta Finantza Saileko erregistroan

Laguntzen ordainketa jasotzeko, erakundeak Eusko Jaurlaritzako Ekonomia eta Ogasun Saileko Kontrol Ekonomikoko Bulegoko Hirugarrenen Erregistroan agertu beharko du. Erregistratuta ez bazaude edo banku-datuak aldatu nahi badituzu, egin ahal duzu Jirugarrenen Erregistro Telematikoan.

  1. Bete itzazu eskatutako inprimakiak, inprimakirik badago.
  2. Presta ezazu eskatutako dokumentazioa formatu digitalean.
  3. Sartu zaitez tramitazio elektronikorako aplikaziora. Identifikazio elektronikorako bitarteko bat izan behar duzu.
Hirugarrenen Erregistro Telematikoa

Beste tramite batzuk