Gasaren kontsumoko industria intentsiborako zuzeneko laguntzak, 2022rako, Ukrainaren inbasioak eragindako gasaren kostuaren gehikuntzak eta horren ondorioz Errusiari ezarritako zehapenek duten eragin kaltegarria arintzeko.

Gasaren kontsumoko industria intentsiboari zuzeneko laguntzak ematea, gasak industria intentsiboan duen prezio altuak haren kontsumoan dituen ondorioak arintzeko.

LABURPENA

Errusia Ukraina inbaditzen ari da, eta horrek ondorio garrantzitsuak eragiten ditu arlo guztietan. Ikuspuntu humanitariotik, milioika errefuxiatu Europar Batasunera iritsi dira. Era berean, gerraren hasierak gure herrialdean egonaldian dauden ukrainar asko Ukrainara itzultzea eragozten du (gaur egun 114.000 inguru).

Bestetik, Europako ekonomia 2021eko udaz geroztik jasaten ari den eskaintza-talka larriagotu du gas naturalaren prezioaren igoeraren ondorioz, eta, gainera, haren iraupenari eta intentsitateari buruzko ziurgabetasun handia gehitu du. Gas naturalaren prezioak, Europako merkatu elektrikoaren diseinuak elektrizitatearen prezioa baldintzatzen baitu neurri handi batean, bost aldiz egin du gora urtebetean, eta % 25 igo da inbasioa hasi zenetik.

Bilakaera horren ondorio ekonomikoak honako hauek dira: inflazio-tasa handitzea eta hazkunde-erritmoa moteltzea. Espainia Ukrainaren inbasioaren ondorio zuzenetarako arrisku gutxien duten Europar Batasuneko estatu kideen artean dago. Gas-hornikuntzako iturrien dibertsifikazioa oso handia da, eta merkataritza-, inbertsio- eta finantza-harremana apala da Errusiarekin eta Ukrainarekin. Hala ere, zeharkako ondorio ekonomikoak nabarmenak dira, batez ere gasaren eta petrolioaren prezioa igotzearen bidez.

PROGRAMAREN ZENBATEKOA:

Onuradun bakoitzarentzako laguntzen zenbatekoa, EJSNaren eta langile kopuruaren arabera, 400.000 eurokoa izango da gehienez. EJSN bakoitzean langile bakoitzeko zenbatekoa honako hau izango da:

Laguntza banku-transferentzia bidez emango da, eta transferentzia jasotzeagatik emakida-erabakia jakinarazitzat joko da.