Hirigune, Hiri merkataritzaren lankidetza, dinamizazio eta lehiakortasuneko zonako estrategiak sustatzera bideratutako laguntzen programa Covid-19aren aurrean 2021

1. Eskabide formularioa.

2. Ordezkaritza hirugarren pertsonen esku utzi nahi izanez gero, ordezkari jardun dezaten modu elektronikoan, eta horretarako erabiltzen ez bada Euskal Autonomia Erkidegoko Administrazio Publikoaren egoitza elektronikoan dagoen ahalordetzeen erregistro elektronikoa, «Borondatezko legezko ordezkaritza egilestea-inprimaki normaldua» delakoa erantsi beharko zaio:

  –Pertsona fisikoen kasuan: Ordezkaritza ematen duen pertsonaren NANa edo agiri baliokidea, baldin eta ez badu nahi instrukzio-organoak aipatu informazioa lor dezala administrazioarteko elkarreragingarritasun-zerbitzuen bitartez.

  –Pertsona juridikoen kasuan: ordezkaritza-ahala edota ordezkaritza hirugarren pertsona bati ematen dion erakundearen legezko ordezkari gisa legitimatzen duen bestelako edozer agiri, zuzenbidez balio duena.

3. Administrazioak laguntzak eman eta ordaindu ahal izateko, erakunde eskatzaileak alta eman edo bere banku-datuak aldatu beharko ditu Ekonomia eta Ogasun Saileko Kontrol Ekonomikoko Bulegoko Hirugarrenen Erregistroan. Horretarako, dagokionaren arabera, aurrez aurre edo telematikoki egin ahal izango dute, https://www.euskadi.eus/eusko-jaurlaritza/-/hirugarrenaren-datuen-aldaketa webgunean jasotako jarraibideen arabera.

Hirugarrenen alta Hirugarrenen Erregistro Telematikoaren bidez egiten ez bada, inprimakiarekin batera nortasun fiskaleko txartela ere aurkeztu beharko da.

4.Eskaerarekin batera ondorengo agiri hauek aurkeztu beharko dira:

   a) Eskatzailearen identitatea egiaztatzen duen dokumentazioa; horretarako, eratze-eskritura, estatutuak eta erregistroko inskripzioa aurkeztu beharko ditu.

   b) Entitate eskatzailearen identifikazio fiskaleko txartela, baldin eta nahi ez bada instrukzio-organoak aipatu informazioa lortzea administrazioarteko elkarreragingarritasun-zerbitzuen bitartez.

   c) Laguntza zer jarduketarako eskatzen den, bada horietako bakoitzerako azalpen-memoria bat, merkataritza-ikuspegitik egina, gutxienez informazio hau jasoko duena:

         1)Garatu beharreko jarduera bakoitzaren gauzatze-proiektua, zera adieraziz:

            1.a) Lortu nahi diren helburuak.

            1.b) Gauzatu beharreko ekintzak.

            1.c) Egindakoaren eraginkortasuna neurtzeko adierazleak.

         2) Sarreren eta gastuen aurrekontu xehatuak.

         3) Gauzatze-egutegia.

         4) MSPB azterlanean edo hori ordezkatzen edo osatzen duen beste azterlan batean sartzen dela.

           Udalerriak PERCO azterlanik ez badu, udalerriko merkataritza-garapenean jarduketak egitea egokia dela egiaztatzea.

         5) Jardueran parte hartzeko aukera jakinarazteko erabiliko den sistema, hala behar den kasuetan.

   d) Dagokion Merkataritza, Industria eta Nabigazioko Ganbera Ofizialeko ziurtagiria, Merkatari Elkarteen Erroldan agertzen diren erakunde eskatzailearen datuen ingurukoa.

   e) Hiri-merkataritzako elkarte, plataforma, talde edo elkarteko idazkariaren ziurtagiria, 2021eko maiatzaren 31n eguneratutako bazkideen zerrenda eta bazkide bakoitzak azken ekitaldian bildutako kuotak jasotzen dituena. Enpresen zerrenda sexuaren arabera bananduta islatu beharko da; alegia, merkataritza-enpresetako titular diren emakumezkoak adieraziko dira, alde batetik, eta titular gizonezkoak, bestetik.

   f) Lankidetza publiko-pribaturako esparru-akordioa, 4. artikuluan aipatzen dena, bai eta gerora egin daitekeen edozein aldaketa ere, edo, halakorik ezean, izenpetzea ezinezkoa izan dela egiaztatzea.

   g) Udalerriko elkarteek sinatutako akordioa, 4. artikuluan adierazitakoaren arabera.

   h) Erakunde onuraduna Balio Erantsiaren gaineko Zerga (BEZ) ordaintzetik salbuetsita badago edo ez badago, BEZaren salbuespen-ziurtagiriaren bidez edo hainbanaketa-araua aplikatu izanaren justifikazioaren bidez egiaztatu beharko du. Ziurtagiri hori izan ezean, zerga-egoeraren ziurtagiria aurkeztu ahal izango du. Ziurtagiri horretan, elkarteak BEZik gabeko eragiketak bakarrik egiten dituela, jarduera ekonomikorik egiten ez duela edo, eginez gero, BEZaren urteko laburpena ematen duela adieraziko da.

   i) Euskal Autonomia Erkidegoko Elkarteen Erregistro Orokorrean inskribatuta egotearen ziurtagiria.

   j) Diru-laguntzei buruzko Lege Orokorraren Erregelamenduaren 22.2 artikuluan identifikatutako administrazio-ziurtagiri positiboak, baldin eta eskatzaileak organo kudeatzaileak zuzenean eskuratzearen aurka egiten badu.Behar bezala betetako eskabide-orria.

Erakunde onuradunek justifikatu egin beharko dute ezarritako baldintzak betetzen dituztela eta laguntzaren helburua lortu dutela. Horretarako, dokumentazio hau aurkeztu beharko dute:

a) Justifikazio-memoria. Memoria horretan, gutxienez, informazio hau jaso beharko da:

    1) Lortutako helburuak.

    2) Gauzatutako jarduketak edo ekintzak.

    3) Elkarte bakoitzak jarduketa bakoitza gauzatzean izan duen partaidetza-maila.

    4) Exekutatutako gastua.

    5) Jarduketa edo ekintza bakoitzaren gastuak eta sarrerak.

    6) Dokumentazio grafikoa.

    7) Betetako egutegia.

    8) Egindakoaren eraginkortasuna neurtzeko adierazleen azken emaitzen balioespena.

    9) Hurrengo ekitaldietan jarduketa errepikatzea komeni den eta zergatik.

b) Jarduketa bakoitzaren laburpen-koadroa, fakturak zerrendan jarrita eta zenbatuta (faktura-zenbakia, kontzeptua eta zenbatekoa). Justifikazio-agiriak taldekatuta aurkeztu behar dira: zuzeneko gastuak, batetik, eta zeharkako gastuak, bestetik. Diruz lagundutako jardueren zenbateko osoari dagozkion fakturak zerrendatu beharko dira.

c) Fakturak –gauzatze-epearen barruan eginak– eta horien banku-ordainagiriak; merkataritzako plataforma, elkarte multzo edo elkartearen izenean edo enpresa-antolakundearen izenean egon daitezke, edo erakunde horietako (plataforma edo taldea) kide den edozein elkarteren izenean.

Bakar-bakarrik onartuko dira 100 euro edo gehiagoko fakturak (BEZik gabe), diruz lagundu daitezkeen jarduketen deskribapena ondo identifikatuta dutenak; ez dira onartuko kodetutako kontzeptuak.

d) Erakunde onuraduna balio erantsiaren gaineko zerga (BEZ) ordaintzetik salbuetsita badago edo zerga horren tributazioari lotuta ez badago, BEZaren salbuespen-ziurtagiri baten bidez edo hainbanaketa-araua aplikatu izanaren justifikazio baten bidez egiaztatu beharko du hori. Halako ziurtagiririk ezean, zerga-egoeraren ziurtagiria aurkeztu ahal izango du, non jasota geratuko baita elkarteak BEZetik salbuetsita dauden eragiketak soilik egiten dituela edo ez duela jarduera ekonomikorik egiten; egiten badu, BEZaren urteko laburpena aurkeztu beharko du.

e) Diruz laguntzeko modukotzat onartu diren jardueren zeharkako gastuak justifikatzeko, nominak, Gizarte Segurantzari egindako ordainketak edo kontratazioen egiaztagiri ofizialak erantsi beharko dira. Erantzukizunpeko adierazpen bat ere aurkeztuko da, diruz lagundutako jarduketari benetan dagokion zeharkako gastuaren egozpena justifikatzeko eta erabilitako denbora eta egotzitako zenbatekoen kalkulua azaltzeko.

f) Berariazko parte-hartzea beharrezkoa den kasuan, jarduketara bildutako establezimenduen zerrenda, elkarte antolatzailearen kide den edo ez zehaztuta.

g) Kide ez diren saltokiek jarduketa bakoitzean izan duten partaidetza-mailaren ziurtagiria

    1) Parte hartu duten saltokiak.

    2) Partaidetza-maila.

h) Aitorpena, helburu bererako lortu diren laguntza, diru-sarrera eta baliabideena, berdin dio administrazioetatik edo ente publiko nahiz pribatuetatik datozen, baldin eta diruz lagundutako jarduketak finantzatzeko badira. Hauek zehaztuko dir

    - Eskaeraren urtea.

    - Erakunde finantzatzailea.

    - Finantzaketaren jatorrizko programa.

    - Jarduketa.

    - Jarduketaren zenbatekoa, guztira.

    - Eskatutako laguntzaren zenbatekoa.

    - Emandako laguntzaren zenbatekoa.

i) Lankidetza publiko-pribaturako esparru-akordioan zehaztutako jarraipen-batzordearen balorazio-akta, eta, halakorik ezean, elkartearen txostena, bertan jasota gauzatutako jarduketen adierazleen hasierako eta amaierako emaitzak, baita garatutako ekintza bakoitzetik lortutako ondorioak eta balorazioa ere. Horrez gain, hurrengo ekitaldietan jarduketa errepikatzea komeni den eta zergatik.