EEE - Euskadin dauden eraikinetan energia birgaitzeko jarduketak egiteko laguntzen programa (PREE), Suspertze, Eraldatze eta Erresilientzia Planaren esparruan - Europar Batasunak finantzatua - NextGenerationEU

Nori dago zuzenduta

Laguntza-eskatzaileen motak ? Laguntzen programak bildutako onuradunak

Betekizunak

• Jarduketak, inbertsioak eta kostu hautagarriak

  Informazio xehetua

  • 1. jarduketa tipologia. Inguratzaile termikoaren energia-efizientzia hobetzea.
  1. Helburua.

     Egungo eraikinen berokuntzako eta klimatizazioko energia-eskaria murriztea, eraikin horien inguratzaile termikoaren energia-efizientzia osorik edo inguratzaile termikoa bera osatzen duten elementuren bat hobetuta.

  2. Jarduketa subentzionagarriak

     Jarduketa subentzionagarriak izango dira eraikinaren inguratzaile termikoan egiten direnak, bizitzeko esparruak kanpo-girotik (airea, lurra edo beste eraikin bat) bereizten duten eraikinaren itxidurek osatzen dutena, eta bizitzeko modukoak diren esparruak bizitzeko modukoak ez direnetatik bereizten dituzten barne banaketak, aldi berean kanpo-giroarekin harremanetan egongo direnak. Neurri honen barruan bildutako energia-jarduketak eraikinaren berokuntzako eta klimatizazioko energia-eskariaren murrizketa bat lortzen dutenak izango dira, eraikinaren inguratzaile termikoaren gaineko jarduketen bidez. Inguratzaile termikoaren gaineko energia-jarduketek eraikuntza-soluzio konbentzionalak eta ez-konbentzionalak bildu ahalko dituzte.

     Eraikuntza-soluzio konbentzionaltzat hartzen dira eraikinetan beren energia-eskaria murrizteko normalean erabiltzen direnak, hala nola fatxadak, estalkiak, kanpoko arotzeria, beirak eta eguzki-babeskiak.

     Eraikuntza-soluzio ez-konbentzionaltzat hartzen dira «arkitektura bioklimaitikoko» neurri gisa ezagututakoak, hala nola, adibidez: Trombe hormak, horma parietodinamikoak, negutegi atxikiak, iluntze-sistemak, aireztapen naturala, eta abar.

     Kostu hautagarritzat hartuko dira, halaber, jarduketa hori burutzeko beharrezkoak diren instalazio osagarriak, hala nola aldamioak edo garabiak.

     Subentzionagarritzat hartuko dira eraikinaren inguratzaile termikoaren itxitura baten edo hainbaten (fatxada, estalkia, baoak eta abar) gaineko jarduketa integralak, baina ez eraikin bereko etxebizitza edo lokal baten gainekoak, indibidualki hartuko baitira kontuan.

     Honako baldintza hauek bete beharko dituzte jarduketek:

  1. Zaharberritzen den inguratzaile termikoak bete behar dituen energia-efizientziako gutxieneko eskakizunak Eraikingintzako Kode Teknikoaren DB-HE Energia Aurrezteko Oinarrizko Dokumentuan jasotakoak dira, eta proiektuaren edota memoria teknikoaren teknikari eskudunak akreditatu edota justifikatu behar ditu. Dagoen eraikin bat denez, I. zatiaren V. zenbakia izango zaio aplikatzekoa, «Dauden eraikinetan aplikatzekoak diren irizpideak». Eta bereziki malgutasunari buruzko 2. irizpidea, eta, hori horrela, oro har ezarritako prestazio-maila lortzea posible ez den kasuetan, energia aurrezteari buruzko oinarrizko eskakizunak betetzearen ikuspuntutik begiratuta, egokitzapen-maila handiena ahalbidetzen duten soluzioak hartu ahalko dira soluzio horiek teknikoki edo ekonomikoki bideragarriak ez direnean, beste zenbait arrazoiren artean.
  2. «Lehenetsitakoak» ez diren eraikinaren efizientzia-ziurtagiria egiteko eskuduna den teknikariak erabilitako transmitantzia-balioak honela justifikatu beharko dira: Hautatutako balioa «zenbatetsia» edo «ezaguna» bada, itxituraren osaera aurkeztu beharko da. Hautatutako balioa «ezaguna» bada eta erabilitako materiala ez badago erabilitako efizientziaren kalifikazioko programa informatikoaren datu-basean, erabilitako Egokitasun Teknikoko Europako Dokumentua aurkeztu beharko da. Beiren eta itxituren kasuan beti aurkeztu beharko da CE ikurra edo arotzeriaren eta beiren fitxa teknikoa, haien ezaugarri teknikoak bertan ageri direlarik.
  3. Suteetarako Segurtasuneko Oinarrizko Dokumentuari (DB-SI) jarraikiz, zahar-berritze lanek ezin izango dituzte aldez aurreko segurtasun-baldintzak urritu. SATE Kanpoaldetiko Isolamendu Termikoko Sistemaren motako sistemetan eta aireztatutako fatxadetan erabilitako material eta produktuak erregaitasun txikikoak eta sua neurri mugatuan eragiten dutenak izango dira. Fatxada aireztatuen kasuan, gainera, aire-zuloan su-ebaki bertikal eta horizontalekin ekipatu beharko dira, barrualdean gertatzen den tximinia-efektuaren hedapena mugatzeko.
  • 2. jarduketa tipologia. Energia-efizientziaren eta energia berriztagarrien hobekuntza berokuntzako, klimatizazioko, aireztapeneko eta etxeko ur beroko instalazioetan
  • 2.1 azpitipologia. Energia konbentzionalaren ordez eguzki-energia termikoa baliatzea.
  1. Helburua.

     Energia konbentzionaleko kontsumoa murriztea eguzki-energia termikoa erabiliz etxeko ur beroa produzitzeko, berokuntzarako, hozketarako edota igerilekuen klimatizaziorako.

  2. Jarduketa subentzionagarriak

     Jarduketa subentzionagarriak izango dira dauden eraikinetako etxeko ur beroa produzitzeko, berokuntzarako, hozketarako edota igerilekuen klimatizaziorako energia konbentzionalaren ordez eguzki-energia termikoa baliatzen duten jarduketak.

     Subentzionagarriak izango dira eguzki-instalazio berriak edo dauden instalazioetako birgaikuntzak edota instalazioen zabalkuntzak, betiere ordezpena edo eguzki-sorkuntzako potentziaren gehikuntza badakarte eta dauden eraikinetan egiten badira.

     Subentziongarritzat hartzen dira, halaber, hiri-arloko klimatizazio-sare bati zerbitzua ematen dioten eguzki-instalazio termikoak.

     Honako baldintza hauek bete beharko dituzte eguzki-instalazio termikoek:

  1. Aplikatzekoa zaion indarreko «Eguzki Instalazio Termikoaren» definizioari erantzungo diote.
  2. Instalazioek eta ekipoek Eraikinetako Instalazio Termikoen Erregelamenduan eta eguzki-instalazio termiketarako Energia Dibertsifikatzeko eta Aurrezteko Institutuaren Ikuskapena 2009 Baldintza Teknikoen Orrian ezarritako indarreko araudia beteko dute, baita ASITek landutako eta Trantsizio Ekologiko eta Erronka Demografikorako Ministerioaren webgunean eskuragarri dagoen «Eguzki Energia Termikoaren ASIT Gida» Eraikinetako Instalazio Termikoen Erregelamenduaren onetsitako dokumentuan ezarritakoa ere.
  3. Eguzki-kaptadoreek Trantsizio Ekologiko eta Erronka Demografikorako Ministerioaren ziurtapena behar dute.
  4. 9 W/(m2 ºC)-tik beherako koefiziente globaleko kaptadoreak onartuko dira soilik.
  5. Jarduketa honi egokituko zaion laguntza kalkulatzeari begira, gehieneko kostu hautagarri bat ezarriko da, kasuaren araberako ondorengo adierazpenen ondoriozkoa, non Ps (kW) eguzki-instalazio termiko berriaren potentzia den. Hiru jarduketa tipologia desberdin ezartzen dira hornitutako aplikazioaren arabera:
  • S1 kasua: Etxeko ur beroa produzitzeko edota estali gabeko edota estalpeko igerilekuen klimatizazioa gauzatzeko eguzki-instalazioak. Gehieneko kostu hautagarria (€) = 1.000 x Ps(kW)
  • S2 kasua: Berokuntzarako eguzki-instalazioak, eta aukeran S1 kasuan bildutako aplikazioak. Gehieneko kostu hautagarria (€) = 1.500 x Ps (kW)
  • S3 kasua: Berokuntzarako eta hozketarako eguzki-instalazioak, eta aukeran S1 kasuan bildutako aplikazioak. Gehieneko kostu hautagarria (€) = 1.850 x Ps (kW)
  • 2.2 azpitipologia. Energia konbentzionalaren ordez energia geotermikoa baliatzea
  1. Helburua.

     Dauden eraikinetako energia konbentzionaleko kontsumoa murriztea energia geotermikoa erabiliz honako erabilera hauetako baterako edo bat baino gehiagorako: berokuntza, klimatizazioa, etxeko ur beroa eta igerilekuen klimatizazioa.

  2. Jarduketa subentzionagarriak

     Jarduketa subentzionagarriak izango dira berokuntzako, klimatizazioko, etxeko ur beroa produzitzeko edo igerilekuen klimatizaziorako instalazioetan egindakoak, sorkuntza-sistema eraikinean bertan edo eraikinetik kanpo kokatzen bada ere, dauden eraikinen arteko bat edo bat baino gehiago hornituz, betiere energia konbentzionaleko instalazioak ordezkatzen badituzte, berokuntzako/klimatizazioko sareen aldakuntza barnean hartuz, energia geotermikoa erabiltzen duten instalazioak baliatuz.

     Subentzionagarria izateko, instalazio geotermiko berriaren potentzia termiko nominalak edo haren gainean jarduten den egungo instalazio geotermikoarenak 12 kW-tik gorakoa izan behar du.

     Instalazio geotermikoek honako eskakizun hauek bete beharko dituzte:

  1. Eraikinetako Instalazio Termikoen Erregelamenduan ezarritako eskakizunak bete beharko dituzte egindako instalazioek, eta zirkuitu itxiko truke geotermikoko sistemen kasurako, Energia Dibertsifikatzeko eta Aurrezteko Institutuak argitaratutako Eraikinetako Instalazio Termikoen Erregelamenduaren «Zirkuitu itxiko truke geometrikoko sistemen diseinuko gida teknikoa» onetsitako dokumentua, eta Eraikinetako Instalazio Termikoen Erregelamenduaren Dokumentuen Erregistro Ofizialean eskuragarri dagoena Trantsizio Ekologiko eta Erronka Demografikorako Ministerioaren webgunean, baita aplikatzekoa zaien beste edozein legeria ere.
  2. Bero-ponpa duten ekipoen jarduketetarako, eraikinaren efizientzia-ziurtagiria lantzeko teknikari eskudun batek erabilitako urtaroko errendimendu-balioak bero-ponparen sasoiko batez besteko errendimenduarekin uztartu behar dira, eta honako dokumentu hauetakoren baten bidez zehaztuta eta justifikatuta egon behar dute:
  • Bero-ponparen fitxa teknikoa edo etiketa energetikoa, zeinean urtaroko batez besteko errendimenduak agertuko dira;
  • EUROVENT ziurtagiria edo antzekoa;
  • Teknikari eskudunak izenpetutako txostena. Txostenerako Eraikinetako Instalazio Termikoen Erregelamenduaren: «Eraikinetan beroa produzitzeko urtaroko batez besteko prestazioak» onetsitako dokumentua erabili ahalko litzateke.
  3. Geotermiako instalazioen kasuan, kostu hautagarritzat hartuko dira, II. eranskinean adierazitakoez gain, honako kontzeptu hauek: ekipotan egindako inbertsioa, instalazioaren egikaritzapen-kostuak, lotutako obra zibila eta beharrezko instalazio osagarriak, eta horrekin batera instalazioaren diseinua egin baino lehenagoko aldez aurreko azterlan, entsegu, zundaketa eta simulazioak egitearen kostua, baita zundaketa, indusketa, zimentazio, lubaki, urbanizazio eta instalazio horien ustiapenerako beharrezkoak diren gainerako elementuak ere, bero-/hotz-sareak eta truke-estazioak ahaztu gabe.
  4. Jarduketa honi egokituko zaion laguntza kalkulatzeari begira, gehieneko kostu hautagarri bat ezarriko da, kasuaren araberako ondorengo adierazpenen ondoriozkoa, non P (kW) sorgailuaren potentzia termikoa den:
  • G1 kasua: Ur beroa sortzeko edota berokuntzako/hozketako instalazioak zirkuitu irekian, eraikin baterako: Gehieneko kostu hautagarria (€) =1.600 * P(0,83).
  • G2 kasua: Ur beroa sortzeko edota berokuntzako/hozketako instalazioak zirkuitu itxian truke bertikalarekin, zundaketekin, eraikin baterako: Gehieneko kostu hautagarria (€) =4.000 * P(0,83).
  • GR1 kasua: Ur beroa sortzeko edota berokuntzako/hozketako instalazioak zirkuitu irekian, beroa edota hotza zentralizatuta sortzeko, erabiltzaileei zuzendutako banaketa- eta truke-sarea barnean hartuz, zerbitzua eraikin bat baino gehiagori emango diena: Gehieneko kostu hautagarria (€) =2.600 * P(0,83).GR2 kasua: Ur beroa sortzeko edota berokuntzako/hozketako instalazioak zirkuitu itxian, beroa edota hotza zentralizatuta sortzeko, erabiltzaileei zuzendutako banaketa- eta truke-sarea barnean hartuz, zerbitzua eraikin bat baino gehiagori emango diena: Gehieneko kostu hautagarria (€) =5.000 * P(0,83).
  • 2.3 azpitipologia Energia konbentzionalaren ordez biomasa baliatzea instalazio termikoetan.
  1. Helburua.

     Dauden eraikinetako energia konbentzionaleko kontsumoa murriztea biomasa erregai gisa erabiliz honako erabilera hauetarako: berokuntza, klimatizazioa eta etxeko ur beroa, eta igerilekuen klimatizazioa.

  2. Jarduketa subentzionagarriak

     Jarduketa subentzionagarriak izango dira berokuntzako, klimatizazioko, etxeko ur beroko eta igerilekuen klimatizazioko instalazioetan egindakoak, keak/ura trukatzeko sistemak barnean hartzen dituztenak eta eraikinetan dauden energia konbentzionaleko instalazioak ordezkatzen dituztenak, eraikin bat baino gehiagori zerbitzua ematen dioten berokuntza zentralizatutako sareetako inbertsioak barnean hartuta.

     Honako eskakizun hauek bete beharko dituzte biomasako instalazioek:

     1. Eraikinetako Instalazio Termikoen Erregelamenduan ezarritako eskakizunak bete beharko dituzte egindako instalazioek, baita Energia Dibertsifikatzeko eta Aurrezteko Institutuak argitaratutako Eraikinetako Instalazio Termikoen Erregelamenduaren «Gida Teknikoa: Eraikinetako biomasa termikoko instalazioak» onetsitako dokumentuan ezarritakoak ere, eta Eraikinetako Instalazio Termikoen Erregelamenduaren Dokumentuen Erregistro Ofizialean eskuragarri dagoena Trantsizio Ekologiko eta Erronka Demografikorako Ministerioaren webgunean, baita aplikatzekoa zaien beste edozein legeria ere.
     2. Honako eskakizun hauek bete beharko dituzte 1 MW baino gutxiagoko galdarak barnean hartzen dituzten erabilera ez-industrialeko biomasako instalazioetarako laguntzak eskatzen dituzten onuradunak:
     • Ekipoaren fabrikatzailearen akreditazio bat aurkeztea non egiaztatzen den urtaroko energia-efizientziari eta erabiliko den erregairako emisioei lotutako eskakizunak beteko direla, eta kontuan izanda betiere eskakizun horiek ezin ahalko direla izan indarreko Ekodiseinuari buruzko Erregelamenduan definitutakoak baino exijentzia-maila txikiagokoak, hau da, 2015/1189 (EB) Erregelamendua, Batzordearena, 2015eko apirilaren 28koa, Europako Parlamentuaren eta Kontseiluaren 2009/125/EE Zuzentaraua garatzen duena, erregai solidoko galdarei aplikagarriak zaizkien diseinu ekologikoko eskakizunei dagokienez.
     • 12. oinarrian ezarritako betebeharrekiko eskakizun gehigarri gisa, onuradunak neurri horretarako dokumentu-erregistro nahikoa atxikiko du, galdaran erabilitako erregaiak erakunde independente akreditatu batek emandako ziurtagiria duela akreditatzea ahalbidetuko duena, A1 klasearen betetzeari buruzkoa UNE-EN-ISO 17225-2 arauan ezarritakoaren arabera, UNE-EN-ISO 17225-4 arauaren 1. klaseari buruzkoa, 164003 arauaren A1 klaseari buruzkoa edo 164004 arauaren A1 klaseari buruzkoa. Bost urteko epean atxikiko da erregistro hori.

     Biomasako instalazioen kasuan, honako kontzeptu hauek hartuko dira kostu hautagarritzat: siloak, beroa/hotza sortzeko sistemak, galdara-gelaren aldaketa, biomasako barne-garraioko sistemak, keak eta instalazioa ustiatzeko beharrezkoak diren gainerako elementuak tratatzeko eta emititzeko sistemak, eta truke-estazioak.

     Jarduketa honi egokituko zaion laguntza kalkulatzeari begira, gehieneko kostu hautagarri bat ezarriko da, kasuaren araberako ondorengo adierazpenen ondoriozkoa, non P (kW) sorgailuaren potentzia termikoa den:

     • B1 kasua: Ur beroa sortzeko edota berokuntzako instalazioak eraikin batean. Gehieneko kostu hautagarria (€) =880 x P(0,87).
     • B2 kasua: Ur beroa sortzeko edota berokuntzako eta hozketako instalazioak eraikin batean. Gehieneko kostu hautagarria (€) =1.540 x P(0,87).
     • BR1 kasua: Beroa sortzeko instalazio zentralizatuak, erabiltzaileei zuzendutako banaketa- eta truke-sarea barnean hartuz, zerbitzua eraikin bat baino gehiagori emango diena. Gehieneko kostu hautagarria (€) =1.250 x P(0,87).
     • BR2 kasua: Beroa eta hotza sortzeko instalazio zentralizatuak, erabiltzaileei zuzendutako banaketa- eta truke-sarea barnean hartuz, zerbitzua eraikin bat baino gehiagori emango diena. Gehieneko kostu hautagarria (€) =2.124 x P(0,87).
     • BR3 kasua: Beroa sortzeko instalazio zentralizatuak, erabiltzaileei zuzendutako banaketa- eta truke-sarea barnean hartuz, baita hotz-produkzio deszentralizatua ere (energia berriztagarriak hornitu behar du hotz-produkzio deszentralizatua), zerbitzua eraikin bat baino gehiagori emango diena. Gehieneko kostu hautagarria (€) =2.374 x P(0,87).
  • 2.4 azpitipologia. 2.1-2.3 tarteko azpitipologietan barne hartuta ez dauden sorkuntza-sistemen energia-efizientziaren hobekuntza.
  1. Helburua.

     Dauden etxebizitzetako instalazio termikoetako berokuntzako, klimatizazioko, aireztapeneko, etxeko ur beroaren produkzioko eta igerilekuen klimatizazioko energia-kontsumoa murriztea, 2.1-2.3 tarteko idatz-zatietan barne hartu gabeko sorkuntza-azpisisteman egindako jarduketen bidez.

  2. Jarduketa subentzionagarriak.

     Jarduketa subentzionagarritzat hartuko dira berokuntzako, klimatizazioko, aireztapeneko eta etxeko ur beroaren produkzioko instalazio termikoetan egindakoak, eraikinetako pertsonen ongizate termikoko eta higieneko eskariari erantzuteko bideratutakoak, baita igerilekuen klimatizazioa ere, Eraikinetako Instalazio Termikoen Erregelamenduaren aplikazioaren esparruaren barruan.

     Berritzen den instalazio termikoak bete beharreko energia-efizientziako gutxieneko eskakizunak indarreko Eraikinetako Instalazio Termikoen Erregelamenduan jasotakoak dira.

     Honako hauek izango dira energia-jarduketa subentzionagarriak:

  1. Egungo sorkuntza termikoko ekipoak ordeztea dakarten energia-efizientzia handiko aerotermiako eta hidrotermiako soluzioak, berokuntzako, klimatizazioko eta etxeko ur beroa produzitzeko instalazio termikoetan energia-efizientzia hobetzea ahalbidetzen dutenak.
     «Lehenetsitakoak» ez diren eraikinaren efizientzia-ziurtagiria egiteko teknikari eskudunak erabilitako errendimendu-balio guztiak (EER, COP, eta abar) honela justifikatu beharko dira: hautatutako balioa «zenbatetsia» edo «ezaguna» bada, CE ikurra edo fitxa teknikoa edo etiketa energetikoa edo EUROVENT ziurtagiria edo antzekoa aurkeztu beharko du, eta, edozein kasutan ere, ziurtagirian erabilitako balioak jasotzen dituen dokumentua ere aurkeztu beharko da.
  2. Aireztapen naturaleko eta bortxatuko sistemak.
  3. Kanpo-aire bidezko doako hozte-sistemak.
  4. Beroa eta erauzketa-airea berreskuratzeko sistemak, eta hondar-energien aprobetxamendua.
  5. Instalazioaren energia-kontsumoa murrizten duten lurruntze-teknikak erabiltzen dituzten sistemak: Lurruntze-hozketa, lurruntze-kondentsazioa, kondentsazio-airearen lurruntze aurre-hozketa, erauzketa-airearen beroa berreskuratzearen aurreko zuzeneko eta zeharkako lurruntze-hozketa, eta abar.
  6. Ez da kostu hautagarritzat hartuko galdara bat jatorri fosileko erregaia erabiltzen duen beste batekin ordeztea.
  3. Laguntzen zenbatekoa. Horrelako jarduketetarako programaren barruan eman beharreko laguntzak kontraprestaziorik gabeko laguntza ekonomikoak izango dira, ondoren adierazten den bezala.
  • 2.5 azpitipologia Instalazio termikoetako banaketako, erregulazioa, kontroleko eta emisioko azpisistemen energia-efizientziaren hobekuntza
  1. Helburua.

     Dauden etxebizitzetako instalazio termikoetako berokuntzako, klimatizazioko, aireztapeneko, etxeko ur beroaren produkzioko eta igerilekuen klimatizazioko energia-kontsumoa murriztea, banaketako, erregulazioko, kontroleko eta emisioko jarduketen bidez.

  2. Jarduketa subentzionagarriak

     Jarduketa subentzionagarriak izango dira berokuntzako, klimatizazioko, aireztapeneko eta etxeko ur beroaren produkzioko instalazio termikoetan egindakoak, eraikinetako ongizate termikoko eta higieneko eskariari erantzuteko bideratutakoak, baita igerilekuen klimatizazioa ere, Eraikinetako Instalazio Termikoen Erregelamenduaren aplikazioaren esparruaren barruan.

     Berritzen den instalazio termikoak bete beharreko energia-efizientziako gutxieneko eskakizunak indarreko Eraikinetako Instalazio Termikoen Erregelamenduan jasotakoak dira.
     Honako hauek izango dira energia-jarduketa subentzionagarriak:

     1. D1 kasua: Eraikinetako instalazio termikoetan energia-efizientzia hobetzea ahalbidetzen duten jarduketa guztiak, banaketa-sistemei, erregulazio- eta kontrol-sistemei, elementu terminalei eta abarri dagokienez, eta jarduketa horien artean bilduta daude izaera orientatiboarekin eta ez-mugatzailearekin zerrendatzen direnak:
     • Zenbait faktoreren arabera energia aurrezten duten ekipo edota instalazioetako kontrol- eta erregulazio-sistemak, hala nola kanpo-tenperaturaren aldaketa, presentzia edo erabiltzailearen premiak.
     • Bereziki, energia-jarduketa subentzionagarritzat hartuko dira bitarteko digitalen bidezko elementuen urrutiko kontrola edo kontrol automatikoa ahalbidetzen duten elementuak, honako instalazio hauetarako, besteak beste:
       • Eraikineko toldoen, pertsianen edo gortinen kontrol automatikoko sistemak, eguzki-argiaren aprobetxamendu optimoa ahalbidetuko dutenak.
       • Klimatizazioaren erregulazio-sistemak, eraikinaren tenperatura kanpo-tenperaturaren, eguneko orduaren, gunearen edo pertsonen presentziaren arabera egokituko dutenak.
       • Etxetresna elektrikoak programatzeko eta abiarazteko urrutiko kontroleko edo kontrol automatikoko sistemak.
       • Klimatizazio-sistemen energiaren behar ez bezalako erabilera posibleez ohartarazten diguten leihoen irekiera eta itxiera detektatzeko sistema.

       AENOR EA0026:2006 Etxebizitzetako sistema domotikoen instalazioak ziurtagiria daukaten jarduketak hartuko dira halakotzat, bereziki.

     • Eraikinetako etxeko ur beroa hornitzeko kudeaketa elektronikoko sistemak, etxeko ur beroaren eta energiaren kontsumoa kontrolatzea, uneko gehieneko emaria mugatzea, gehieneko erabilera bolumena kontrolatzea eta etxebizitza edota egoitza bakoitzeko hornidura-mozketa ere kontrolatzea ahalbidetuko dutenak.
     • Kontsumo-puntuan etxeko ur beroa kontrolatzeko eta kudeatzeko kanilak, tenperaturaren eta emariaren erregulazio optimoa eta bizkorra ahalbidetuko dutenak, eta erabiltzaileak zuzenean kontrolatu ahalko dituenak, eta, aldi berean, sistema elektronikoen bidez kontrolatzekoak, uneko kontsumoa, irteera-tenperatura eta kanila horien gehieneko kontsumo bolumena kudeatzeko eta kontrolatzeko. Sistema horiek sistema domotiko edo immotiko batean integratzea kontuan hartuko da jarduketetan, integrazio horrek sistema guztien arteko komunikazioa ahalbidetuko duelarik, sistemek beren artean elkar eragin dezaten eta bertatik edo urrunetik kontrolatuak izan daitezen.
     • Balbula termostatiko mekaniko edo elektronikoa UNE-EN-215 araua betetzen duten emisoreetarako bero-ekarpena erregulatzeko.
     2. D2 kasua: Subentzionagarritzat hartuko dira, halaber, energiaren monitorizazio-sistemak, denbora errealekoak edo geroratutakoak, kontsumoaren informazioa erabiltzaileen beren dispositibo digitalen bidez helaraztea ahalbidetuko dutenak. Barnean hartu ahalko dituen prestazioen artean energia-kontsumo garrantzitsuenen (argiztapena, klimatizazioa, etxeko ur beroa, etxetresna elektrikoa, eta abar) banakapena dago, eta horrekin batera, kontsumo-datuak edo energia sortzearekin lotutakoak gordetzea ondoren erabiltzaileak edo erabiltzaileak baimentzen duen pertsonak kontsulta ditzan, eta dispositibo bateragarriekin gauzatutako komunikazioa, estatistiken kontsula eta abar. Kontsumo-datuak balio energetikotan zein balio ekonomikotan eta karbono dioxidoko emisiotan agertu ahalko dira.
  • 3. jarduketa tipologia. Argiztapen-instalazioen energia-efizientzia hobetzea.
  1. Helburua.

     Dauden eraikinetako argiztapen-instalazioetan energia-kontsumoa murriztea.

  2. Jarduketa subentzionagarriak.

     Honako hauek izango dira jarduketa subentzionagarriak:
     Subentzionagarria izateko, argiztapen berrian instalatutako potentzia edo haren gainean jarduten deneko egungo instalazioarenak 10 kW-tik gorakoa izan behar du etxebizitza-eraikin kolektiboetan eta 40 kWe-tik gorakoa gainerako eraikinetan.

     Subentzionagarritzat hartuko dira bizitegi tipologia kolektiboko eraikinetako eta beste edozein erabileratako eraikinetako gune erkideetako argiztapen-instalazioetako energia-efizientzia hobetzea ahalbidetzen dutenak, 4.3 oinarriaren b) eta c) letretan barne hartutako etxebizitza kenduta, eta jarduketa horien artean bilduta daude izaera orientatiboarekin eta ez-mugatzailearekin zerrendatzen direnak:

  1. Luminariak, lanparak eta ekipoa: multzoaren ordez errendimendu handiagoko luminariak, efizientzia handiagoko lanparak eta erreaktantzia elektroniko erregulagarriak eta argiztapenean instalatutako potentzia murriztea ahalbidetzen dutenak jartzea, araututako kalitateko eta konfort bisualeko eskakizunak beteta.
  2. Bertako kontrola, urrutiko kontrola edo kontrol automatikoa ahalbidetzen duten sistema eta elementuak, argiztapen-maila pizteko eta erregulatzeko bitartekoen bidez: presentziaren araberako, eraikineko guneen araberako, edo argi naturalaren ekarpenak ezarritako argiztapen-mailaren erregulazioaren araberako kontrol-sistemak edukiko dituzte.
  3. Argiztapen-sistemaren aldaketa: argi-puntuak birkokatzea aurreko teknologiak erabilita, urteko kontsumo elektrikoa egungo argiztapen-sistemarekiko murrizteko moduan.
  4. Urrutiko kontrola edo kontrol automatikoa ahalbidetuko duten sistemak eta elementuak, kontrolatzera bideratutako instalazioen bitarteko digitalen bidez:
  • Argiztapen-sistema eraginkorrak, argiztapena une bakoitzeko premietara egokituta.
  • Eraikineko toldoen, pertsianen edo gortinen kontrol automatikoko sistemak, eguzki-argiaren aprobetxamendu optimoa ahalbidetuko dutenak.
  • Eraikinen argiztapena pizteko eta itzaltzeko kontrol automatikoko sistemak.
  • AENOR EA0026:2006 Etxebizitzetako sistema domotikoen instalazioak ziurtagiria daukaten jarduketak hartuko dira halakotzat, bereziki.
  5. Monitorizazio-sistemak ezartzea, edozein unetan konfort-baldintzak zein diren eta energia-efizientzia hobetzearen alde egindako jarduketen egokitasuna zein den jakitea ahalbidetuko digutenak.
     Birgaitzen den argiztapen-instalazioak bete behar dituen energia-efizientziako gutxieneko eskakizunak Eraikingintzaren Korde Teknikoak HE-3·Argiztapen instalazioen energia-efizientzia dokumentuan jasotakoak dira.
• Kostu hautagarriak eta ez-hautagarriak

  Informazio xehetua

  Hautagarritzat hartzen dira laguntzen programaren helburu energetikoak lortzeko beharrezkoak direnak, aurreko jarduketa tipologia bakoitzerako adierazitakoak eta ondoren zerrendatzen direnak:

  1. Apirilaren 5eko 235/2013 Errege Dekretuan aurreikusitako energia-efizientziako ziurtagiria teknikari eskudunak egin dezan ordaindutako ordainsari profesionalak.
  2. Laguntza-eskaeraren kudeaketa-kostuak.
  3. Laguntzako jarduketa tipologiekin lotutako proiektu teknikoen idazkuntzaren kostuak.
  4. Jarduketen zuzendaritza fakultatiboaren kostuak.
  5. Obren edota instalazioen egikaritzapen-kostuak.
  6. Ekipotan eta materialetan egindako inbertsioa.
  7. Laguntzen eskaerako eta justifikaziorako eskatutako txostenen eta gainerako dokumentazioaren idazkuntza-kostuak.
  8. Jarduketak egitearen justifikazioaren kudeaketa-kostuak.
  9. Laguntzako jarduketak behar bezala egin direla akreditatzen duen txostena, kontrol-erakunde edo kontrol-entitate batek emandakoa.
  10. Jarduketa tipologia bakoitzaren beste beharrezko partida (osagarriak edo ez) espezifiko batzuk. Partida horren barruan hartzen dira obren egikaritzapenean eta egikaritzapena amaitzean jarri beharreko kartelen kostua (737/2020 EDaren 21. artikulua).

  Ez dira kostu hautagarritzat hartzen lizentziak, tasak, zergak edo tributuak. Dena den, BEZa eta IGIC zerga hautagarritzat hartu ahalko dira, betiere ezin badira berreskuratu edo osorik edo partzialki ezin badira konpentsatu.

  Horri begira, laguntzaren eskaerako kudeaketa-kostutzat hartuko dira laguntzaren eskatzaileak edo azken hartzaileak bere autonomia-erkidegoarekiko kudeaketa administratibo eta dokumentala burutzeagatik enpresa edo profesional bati ordaindu ahalko lizkiokeen gastuak, eta, hori horrela, gastu horiek kostu hautagarritzat onartuak izateko, behar bezala jasota eta zehaztuta egongo dira dagokion enpresaburuarekin edo profesionalarekin formalizatutako dokumentuan edo beste kontratu bidezko eskaintza lotesle batean, eta horren kopia III. eranskinean xedatutakoari jarraikiz laguntza-eskaerarekin batera joan behar duen dokumentazioarekin batera joango da, gastu horien errealitatea justifikatuz III. eranskinean ezarritakoaren arabera, faktura independentea aurkeztuta, zeinean gastu horiek behar bezala zehaztuta jasoko diren, gastu horien ordainketa justifikatzeko eska daitekeen dokumentazioaz gain. Ez da ezein kasutan onartuko kudeaketa-gastu horiek eskatutako laguntzaren zenbatekoaren % 4 gaindi dezatela, espediente bakoitzeko 3.000 euroko mugarekin.

  Era berean, eta horri dagokionez, laguntzako jarduketak egin izanaren justifikazioaren kudeaketa-gastutzat hartuko dira proiektua osatzen duten jarduketak egin izana EEEri justifikatzeko kudeaketa teknikoa, administratiboa eta dokumentala burutzeagatik enpresei edo profesionalei ordaindu ahalko lizkiekeen gastuak.

  Gastuak ordaintzeko programan onartutako gehieneko kostu hautagarri totala:

  1. Jarduketak behar bezala egin direla akreditatzen duen txostena egitearen ondoriozkoak, kontrol-erakunde edo kontrol-entitate batek emandakoa,
  2. Jarduketak egitearen justifikazioaren kudeaketaren ondoriozkoak eta ezin izango du osorik eskatutako laguntzaren zenbatekoaren ehuneko zazpi gainditu, espediente bakoitzeko 7.000 euroko mugarekin. Zerbitzu horien burutzapena eta fakturazioa justifikazio-dokumentazioa aurkezteko emandako aldian egin ahalko da.

  Ez da hautagarritzat hartuko aurrekoak ez bezalako ezein kostu, ezta laguntzaren azken hartzaileari laguntzen programa hau indarrean hasten den data baino lehen fakturatu zaion ezein kostu ere.

  Ezin izango dira hautatu beren abiapuntuarekin alderatuta azken energia-kontsumoko ehuneko hamarreko (% 10) murrizketarik lortzen eta justifikatzen ez duten jarduketak.
  Kasuan-kasuan, kostu hautagarritzat hartuko da instalazio fotovoltaikoa.

• Jarduketa hautagarriaren betekizunak:

  Informazio xehetua

  1. Laguntzen Programa honetara biltzeko, jarduketak azken energiaren kontsumoaren eta karbono dioxidoaren emisioen murrizketa lortu eta justifikatu beharko dute, beren abiapuntuarekin alderatuta betiere, eta 737/2020 EDan ezarritako baldintzak bete. Azken erabiltzaileari dagokion aurrezpena 2012ko urriaren 25eko 2012/27/EB Zuzentarauaren V. Eranskinaren kalkulu-metodoen arteko baten bidez justifikatuko da.

     Programa honetara bildutako jarduketek lortutako azken energia-aurrezpena 2012ko urriaren 25eko 2012/27/EB Zuzentarauaren 7. artikuluaren azken energia-aurrezpeneko helburuak betetzeari dagokionez zenbatuko da, urriaren 15eko 18/2014 Legearen xedatutakoaren arabera. Energia-aurrezpen hori ezin izango dute horretara behartutako subjektuek bitan zenbatu, zuzentarau horretako 7. artikuluan 2014-2020 aldirako energia-aurrezpen metatuko helburua betetzeari dagokionez.

  2. Azken energia-aurrezpena eta jarduketen hautagarritasuna kalkulatzeko 2019ko irailaren 25eko Batzordearen 2019/1658 (EB) Gomendioa izango da aplikatzekoa, energia-aurrezpeneko betebeharren transposizioari buruzkoa, energia-efizientziari buruzko zuzentarauaren arabera.
  3. EAEn dauden eraikin osoetako jarduketetara bideratuko dira laguntzak, honako erabileren arteko bat edo bat baino gehiago duten eraikinetakoetara:
  • Familia bakarreko etxebizitzako eraikinak (etxebizitza isolatuak, atxikiak, txaletak,…)
  • Etxebizitzako bizitegi kolektiboko tipologiako eraikinak;
  • Beste edozein erabilerako eraikinak (administratiboa, sanitarioa, irakaskuntza-arlokoa, kulturala, eta abar), Eraikingintza Antolatzeari buruzko azaroaren 5eko 38/1999 Legearen 2.1 artikuluak araututakoen artean.
  4. Honako hauek ez dira jarduketa subentzionagarriak izango:
  • Eraikuntza berriko eraikinetan egindakoak;
  • Zabalkuntza bat dakarten egungo eraikinetako esku-hartzeak, zeinetan eraikitako azalera edo bolumena gehituko den;
  • Eraikinaren erabilera-aldaketa dakarten egungo eraikinetako esku-hartzeak.
  5. Jada deskribatutako tipologia batean edo bat baino gehiagotan sartu behar dira jarduketa subentzionagarriak, eta oinarri hauetako I. eranskinean bakoitzerako ezartzen diren eskakizun espezifikoak bete:
  6. Horrekin batera, honako eskakizun hauek bete beharko dira laguntzak emateko:
  1. Gaur egun dagoena eta 2007a baino lehen eraikitakoa izan behar du eraikinak, eta ondasun higiezinaren datu katastralaren kontsulta deskriptibo eta grafikoaren bidez kontsultatuko da.
  2. Eraikinaren erabilerari dagokion laguntza aplikatzeko, etxebizitza-erabilerakoa edo beste erabilera batekoa den kontuan izanda, sestra gainean eraikitako azalera balioetsiko da, kontsulta katastral bidez justifikatuta. Ildo horretan, etxebizitza-erabilerako eraikintzat hartua izateko, sestra gainean eraikitako eraikin horren ehuneko hirurogeita hamar (% 70) gutxienez erabilera konkretu horretara bideratu behar da. Kasu horretan, jarduketa egiten den gaineko azalera osoari aplikatuko zaio laguntzaren zenbatekoa, erabilera osorik etxebizitza-erabilerara bideratutakoa ez izatea alde batera utzita.
  7. Laguntzako jarduketek gutxienez letra batean hobetu behar dute eraikinaren energia-kalifikazio totala karbono dioxidoko emisioen eskalan (kg CO2/m2 urte), eraikinaren hasierako energia-kalifikazioarekiko. Irizpide hori ez da aplikatzekoa izango honako kasu hauetan:
  1. Eraikinak A energia-kalifikazio bat duela akreditatzen duenean eta hobekuntza-neurriak proposatzen direnean; kasu horretan, aplikatuko den laguntza gehigarria A letrari dagokiona izango da, irizpide honetarako.
  2. Eraikinak bere energia-kalifikaziorako prozedura bat ez duenean, oinarri honetako 4.3.c) idatz-zatian bildutakoen arteko bat izanik. Kasu horretan, bere azken energia-kontsumoa ehuneko hogeian (% 20) murriztu beharko du letra baten hobekuntzaren efektu baliokide gisa.

     Bere energia-kalifikazioaren hobekuntza jarduketa tipologia bat eginez edo tipologia bat baino gehiago uztartuz lortu ahal izango da, baita jarduketa desberdin baten edo bat baino gehiagoren neurriak egitearen bidez ere. Eraikinaren energia-ziurtapena eraikinen energia-efizientzia ziurtatzeko oinarrizko prozedura arautzen duen araudiaren arabera egingo da, onetsitako programa informatiko ofizialen artekoren bat erabilita.

  8. Laguntzako jarduketek aplikatzekoa zaien indarreko araudia bete beharko dute, eta beharrezko lizentziak eta administrazio-baimenak eduki jarduketa horiek hori eskatzen badute.

Araudia

• Araudia EBAZPENA, 2022ko uztailaren 1ekoa, Energiaren Euskal Erakundeko zuzendari nagusiarena, zeinaren bitartez iragartzen baita Euskadin dauden eraikinetan birgaitze energetikorako jarduketak egiteko laguntzen programari (PREE programa) dagokion aurrekontua agortu egin dela.
• Deialdiaren araudia EBAZPENA, 2022ko apirilaren 20koa, Energiaren Euskal Erakundeko zuzendari nagusiarena, Euskadin dauden eraikinetan energia birgaitzeko jarduketarako laguntzen programaren (PREE programa) oinarri erregulatzaileak onartu, deitu eta argitaratzen dituen 2020ko urriaren 28ko Ebazpena bigarren aldiz aldatzen duena.
• Deialdiaren araudia EBAZPENA, 2020ko azaroaren 13koa, Energiaren Euskal Erakundeko zuzendari nagusiarena, Euskadin dauden eraikinetan energia birgaitzeko jarduketak egiteko laguntzen programaren (PREE programa) oinarri arautzaileak onartzen, deitzen eta argitaratzen dituen 2020ko urriaren 28ko Ebazpena (EHAA, 220 zk., 2020-11-06koa) aldatzen duena.
• Deialdiaren araudia EBAZPENA, 2020ko urriaren 28koa, Energiaren Euskal Erakundeko zuzendari nagusiarena, Euskadin dauden eraikinetan energia birgaitzeko jarduketak egiteko laguntzen programaren (PREE Programa) oinarri arautzaileak onartzen, deitzen eta argitaratzen dituena.

Erakundeak

Kontaktu-informazioa

Kodea

Eskaera eta dokumentazioa aurkeztea

• Tramitazio elektronikoa

Ebazpena eta errekurtsoak

Ebazteko epea

Ebazpena EHAAn argitaratu eta 6 hilabeteko epean

Diru-laguntza emateko modua

Lehiaketarik gabe

Isilbidearen ondorioak

Gaitzetsiak