Laguntza-eskaera IX. eranskinaren araberakoa izango da, eta agiri digitalizatu hauekin batera aurkeztu beharko da:

1.– Erantzukizunpeko adierazpena, eskaera horretan jasota dagoen informazioaren egiazkotasunari buruzkoa. Hauek jasoko dira adierazpen horretan:

a) Bete egiten dituela deialdia arautzen duten oinarrietan ezarritako betekizunak.

b) Erakunde eskatzailea ez dagoela Dirulaguntzei buruzko azaroaren 17ko 38/2003 Lege Orokorraren 13. artikuluan aipatzen diren gainontzeko egoeretan (onuradun izatea eragozten dute horiek).

c) Eskatzailea ez dagoela sartuta Euskal Autonomia Erkidegoko Administrazio Orokorrak eta haren erakunde autonomiadunek emandako izaera bereko laguntzen edo dirulaguntzen esparruko ezein itzulketa edo zehapen prozeduratan.

d) Inbertsio hori bera egiteko beste erakunde publiko zein pribatu batzuetatik jasotako edo haiei eskatutako laguntzak.

e) Ez dagoela zigortuta dirulaguntzen eta laguntza publikoen onuradun izateko debekuarekin, Emakumeen eta Gizonen Berdintasunerako otsailaren 18ko 4/2005 Legearen 24.2 artikuluaren arabera.

f) Emakumeen eta gizonen egiazko berdintasuna bermatzeko martxoaren 22ko 3/2007 Lege Organikoan xedatutakoa betetzen duela.

g) Emakumeen eta Gizonen Berdintasunerako otsailaren 18ko 4/2005 Legearen 2.3 artikuluan ezarritako betebeharrak onartzeko konpromisoa hartzen duela.

2.– Ordezkaritza hirugarren pertsonen esku utzi nahi izanez gero, ordezkari jardun dezaten modu elektronikoan, eta horretarako erabiltzen ez bada Eusko Jaurlaritzaren egoitza elektronikoko Ordezkarien Erregistro Elektronikoa, «Borondatezko Legezko Ordezkaritza Egilestea-Inprimaki normaldua» delakoa (http://www.euskadi.eus/eusko-jaurlaritza/-/eskabidea/borondatezko-legezko-ordezkaritza-egilestea-inprimaki-normaldua/) behar bezala bete, eta dokumentazio hau erantsi beharko zaio:

– Pertsona fisikoen kasuan: Ordezkaritza ematen duen pertsonaren NANa edo agiri baliokidea, baldin eta ez badu nahi instrukzio-organoak aipatu informazioa lor dezala administrazioarteko elkarreragingarritasun-zerbitzuen bitartez.

– Pertsona juridikoen kasuan: ordezkaritza-ahala edota ordezkaritza hirugarren pertsona bati ematen dion erakundearen legezko ordezkari gisa legitimatzen duen bestelako edozer agiri, zuzenbidez balio duena.

3. – Dirulaguntza kobratzeko, eta pertsona edo enpresa onuradunaren bankuko edo izen sozialeko datuak aurretik eman ez badira edo aldatu nahi izanez gero, hirugarrenari alta emateko datuak eman beharko dira, Ogasun eta Ekonomia Sailak ezarritako ereduaren eta prozeduraren arabera (http://www.euskadi.eus/hirugarrenaren-datuen-aldaketa/web01-s2oga/eu/ ).

Hirugarrenen alta Hirugarrenen Erregistro Telematikoaren bidez egiten ez bada, inprimakiarekin batera nortasun fiskaleko txartela ere aurkeztu beharko da.

4. – Dirulaguntzei buruzko Lege Orokorraren erregelamenduko 22.2 artikuluan identifikatzen diren administrazio-ziurtagiri positiboak, eskatzaileak kudeaketa-organoak zuzenean eskura ditzala nahi ez duenean.

• Behar bezala betetako eskabide-orria.
• Laguntza onartu duela egiaztatzeko akordio-ziurtagiria, eskumena daukan organoak egina, aurkeztutako jarduera bakoitzaren kostua eta eskatutako laguntzaren zenbatekoa zehaztuta.
• Diru-laguntzaren bidez finantzatu nahi diren jardueren inguruko azalpen-txostena, merka­taritza-ikuspegitik egina, Merkataritza Suspertzeko Plan Bereziaren (MSPB) ikerlanean duten kokapena adieraziz, edo horren ordezkoan edo osagarrian dutena, halakorik baldin badago.

Txosten horretan, gutxienez, ondorengo informazioa jaso beharko da:

1) Garatu beharreko jarduera bakoitzaren gauzatze-proiektua, zera adieraziz:

1.a) Lortu nahi diren helburuak.

1.b) Gauzatu beharreko ekintzak.

1.c) Egindakoaren eraginkortasuna neurtzeko adierazleak.

2) Aurrekontuak, partidaz partida zehaztutakoak.

3) Gauzatze-egutegia.

4) Dokumentazio grafikoa, jardueren kokaleku izango diren eremuen aurretiko egoeraren argazkiak barne.

• 4. artikuluan aipatutako lankidetza publiko-pribaturako esparru-akordioa, baita ondoren egindako edozein aldaketa ere.
• Hiri-jarduketaren bat eskatuz gero, VI. eranskineko 2. puntuko f), g) eta h) apartatuetan jasotzen den horietakoa, udal-ziurtagiri bidez egiaztatu beharko da jarduketa merkataritza-kale batean egingo dela, halakotzat hartuta lonjen %70 gutxienez merkataritzarako dituztenak, eta horietarik % 70 martxan dituztenak.

1. 15.000 biztanle baino gehiago dituzten EAEko udalerriak (Agindu honen I. Eranskinean adierazten dira).
2. Hirigune Historikoa duten 15.000 biztanle baino gutxiagoko udalerriak, baldin eta, bertan dauden saltokien kopurua kontuan harturik, merkataritza biziberritzeko aukera badute. Toki-erakunde horiek Agindu honen II. Eranskinean adierazi dira.
3. Beren eskualdeko inguruneko herri guztientzat ekonomia- eta merkataritza-arloko erreferentziagunetzat haruttako udalerriak, Udal horiek Agindu honen III. Eranskinean adierazi dira.
4. 75 merkataritza-establezimendu baino gehiago dituzten eskualde-buruak. Hauek Agindu honen IV. Eranskinean agertzen dira.
5. 10.000 biztanletik gora daukaten udalerriak, 75 merkataritza-establezimendutik gora dituzte­nak eta, 2019ko urtarrilaren 1ean, langabezia-tasa Euskal Autonomia Erkidegoko batez bestekoa baino altuagoa dutenak, VI. eranskineako 1.c) artikuluan jasotako jardueretarako soilik. Halako udalak agindu honetako V. eranskinean daude zehaztuta.

• Eskatzailearen identitatea egiaztatzen duten agiriak, eta hartarako, beharrezkoa bada, eraketa-eskrituren, estatutuen eta erregistroan erregistratu izanaren kopiak aurkeztuko dira. Eskatzailea hainbat elkarte ordezkatzen dituen enpresa-erakundea bada, ordezkaritza hori onartzen duen akordioaren kopia.  
• Eskatzailearen Identifikazio Fiskaleko Txartela.
• Eskatutako laguntzaren xede den jarduera bakoitzaren azalpen‑memoria, merkataritzaren ikuspuntutik, MIPB edo hau ordezkatu edo osatzen duen ikerketak non jasotzen duen adierarita, gutxienez honako hauek bilduta:
• Garatu beharreko jarduera bakoitzaren gauzatze-poriektua, hurrengoa adieraziz:
• Lortu nahi diren helburuak.
• Ezarritako helburuak lortzeko garatu beharreko ekintzak.
• Egindako jardunen eraginkortasuna neurtuko duten adierazlea. 
• Aurkeztutako jarduera bakoitzaren diru-sarreren eta gastuen aurrekontu xehatuak. 
• Gauzatze-egutegia.
• Hala dagokionean, jarduera bakoitzean parte hartzeko aukera jakinarazteko erabiliko den sistemaren xehetasuna.
• Dagokion Merkataritza, Industria (eta Nabigazio)ko Ganberaren ziurtagiri eguneratua, Merkatarien Elkarteen Erroldan eskatzaileari buruz agertzen diren datuak biltzen dituena.
• Hiri-merkataritzaren plataformako, elkarte multzoko edo elkarteko idazkariaren ziurtagiria. Bazkideen zerrenda jaso behar du, eskaera-epa hasi aurreko hilabetean eguneratua, baita azken ekitaldian bildutako kuotak ere. Enpresen zerrenda sexuaren arabera banaduta islatu beharko da; alegia, merkataritza-enpresetako titular diren emakumezkoak adieraziko dira, alde batetik, eta titular gizonezkoak, bestetik.
• Hala badagokio, 4. artikuluan aipatutako lankidetza publiko-pribaturako esparru-akordioa, baita ondoren egindako edozein aldaketa ere, 3.artikuluko 2.puntuetako elkarteak izan ezik.
• Udalerriko elkarteek sinatutako akordioa, 4. artikuluko 1.b) puntuan adierazten den kasuan.
 

Merkatarien Elkarteak eta Elkarte Mistoek, betiere Euskal Autonomia Erkidegoko Merkatarien Elkarteen Erroldan erregistraturik badaude (ekainaren 17ko 148/1997 Dekretuak arautzen du Errolda hori)

– Kontu-sailak likidatzeari buruzko ziurtagiriak.

– Jardueraren amaierari buruzko udal ziurtagiriak.

– Ekintza bakoitzeko fakturen laburpen-koadroa (faktura-zenbakia, kontzeptua eta zenbatekoa).

– Fakturak eta ordainagiriak.

– Dokumentazio grafikoa.

– Azken egoeraren argazkiak (eskaeran aurkeztutako argazkiekin bat egin beharko dute).

– Jardueraren gastuak eta diru-sarrerak.

– Aitorpena, helburu bererako lortu diren laguntza, diru-sarrera eta baliabideena, berdin dio administrazioetatik edo erakunde publiko nahiz pribatuetatik datozen, baldin eta diruz lagundutako jarduketak finantzatzeko badira. Finantza-erakundea, jarduketa eta onetsitako edo jasotako zenbatekoa zehaztuko dira.

- Lankidetza publiko-pribaturako esparru-akordioan zehaztutako jarraipen-batzordearen balorazio-akta, eta, halakorik ezean, elkartearen txostena, bertan jasota gauzatutako proiektuen adierazleen hasierako eta amaierako emaitzak, baita garatutako ekintza bakoitzetik lortutako ondorioak eta udalak nahiz merkatari-elkarteek egindako balorazioa ere. Horrez gain, etorkizuneko ekitaldietan errepikatzeko komenigarritasuna eta arrazoiak.

– Ekintza bakoitzeko fakturen laburpen-koadroa (faktura-zenbakia, kontzeptua eta zenbatekoa).

– Fakturak eta horien ordainagiriak; merkataritzako plataforma, elkarte multzo edo elkartearen edo enpresa-erakundearen izenean egon daitezke, edo entitate (plataforma eta elkarte multzo) horietako edozein elkarte bazkideren izenean.

– Dokumentazio grafikoa.

– Jarduketaren gastuak eta diru-sarrerak.

– Aitorpena, helburu bererako lortu diren laguntza, diru-sarrera eta baliabideena, berdin dio administrazioetatik edo erakunde publiko nahiz pribatuetatik datozen, baldin eta diruz lagundutako jarduketak finantzatzeko badira. Hauek zehaztuko dira:

-Eskaeraren urtea

-Finantzaketa-instituzioa.

-Finantzaketaren jatorrizko programa.

-Jarduketa.

-Jarduketaren zenbatekoa, guztira.

-Eskatutako laguntzaren zenbatekoa.

-Emandako laguntzaren zenbatekoa.

– Lankidetza publiko-pribaturako esparru-akordioan zehaztutako jarraipen-batzordearen balorazio-akta, eta, halakorik ezean, elkartearen txostena, bertan jasota gauzatutako proiektuen adierazleen hasierako eta amaierako emaitzak, baita garatutako ekintza bakoitzetik lortutako ondorioak eta udalak nahiz merkatari-elkarteek egindako balorazioa ere. Horrez gain, etorkizuneko ekitaldietan errepikatzeko komenigarritasuna eta arrazoiak.

– Berariazko parte-hartzea beharrezkoa den kasuan, jarduketara bildutako saltokien zerrenda, elkarte antolatzailearen kide den edo ez zehaztuta.

– Diruz lagundutako jarduketen barnean, aldaketak onetsi ahal izango dira jarduketa bereko jardueren artean. Ezin izango da, inolaz ere, ordezkapenik egin, ezta ekintza berririk txertatu ere.

– Diruz lagundutako jarduketaren bati uko egiten bazaio, zenbatekoa ezin izango da gaineraketan sartu.