Euskal Herriko Agintaritzaren Aldizkariari buruzko abenduaren 23ko 217/2008 Dekretuaren 18.2.a) artikuluak xedatzen duenez, aldizkariaren argitalpena prestatzerakoan egiten diren hutsak, baldin eta dokumentuaren edukia aldatzen badute edo zalantzak sortzen badituzte, Jaurlaritzaren Idazkaritzako eta Legebiltzarrarekiko Harremanetarako Zuzendaritzak zuzenduko ditu, ofizioz nahiz organo edo entitate interesdunak eskatuta.

Era horretako hutsak aurkitu dira honako dekretu honetan: «8/2021 Dekretua, urtarrilaren 19koa, Gobernantza Publiko eta Autogobernu Sailaren egitura organikoa eta funtzionala ezartzekoa», (2021eko urtarrilaren 29ko Euskal Herriko Agintaritzaren Aldizkaria, 21. zk.). Hori dela-eta, dagokion zuzenketa egiten da hemen.

Aipatutako Dekretuaren 21.1 artikuluaren d), e), h) eta i) ataletan «http» aipamena sartu da, akats baten ondorioz, beraz, testutik ezabatu behar da.