|
||
|
||
2003ko martxoak 28
| Nola instalatu |
J a v a |
|
Lehendabizi zure sistema eragilearentzako Java egokia eskuratu behar da. Java Sun Microsystem etxearena da eta ez da software askea. Java teknologia Internetetik jeisteko zoaz helbide honetara http://java.sun.com/j2se/1.3/download.html eta bertatik hau idazterako orduan egonkorrena den 1.3.1_07 bertsioa jeisteko aukera izan duzu. Web gune horretan bai Windows bai GNU/Linux-entzako eskuragarri aurkituko duzu. Horretaz gain bi Java mota aurkitu ahal izango dituzu: JRE (Java Runtime Enviroment) eta SDK (Standard Development Kit). Bietatik nahi duzuna jeisteko aukera daukazun arren, SDK-ak bere baitan JRE-k dituen fitxategiak ere badauzkanez SDK jeisteko aholkatzen dizut. GNU/Linux sistema eragilearentzat Linux self-extracting file erakoa jeistea aholkatzen dizut. Java jeisten hasi aurretik Sun Microsystem etxeko baimena onartu beharko duzu. Ondoren Java programa jeisten hasiko da. Gogoratu GNU/Linux sistema eragilean Internetetik gauzak jeisteko erabiltzaile arrunt bat bezala egitea, eta ez supererabiltzaile gisa! Behin j2sdk-1_3_1_07-linux-i586.bin jeitsita dagoela, supererabiltzaile egoeran sartu, eta terminal edo kontsola batetik hau idatzi ($ ikurra erabiltzaile arruntaren ikurra den bezala # supererabiltzailearena da, eta beraz bi ikur horiek ez dira idazten): $ su Password: # cp j2sdk-1_3_1_07-linux-i586.bin /usr/local/share # cd /usr/local/share # ./j2sdk-1_3_1_07-linux-i586.bin (hemen Sun Microsystem-en baimena onartzen al duzun galdetuko dizu, baietz esan ostean, Java-ren instalaketari ekingo dio.) # exit Windows-entzako j2sdk-1_3_1_07-windows-i586.exe jeitsitakoan, berau abiarazi eta Windows sistema eragilean Java instalatuko du. |
| | ||