Berotegi efektuko gasak isurtzeko Baimen eskaera, aldaketa edota iraungitzea, Emisio Eskubideen Salerosketa Erregimena kontuan hartuta.

• Documentos de orientación relativos al Reglamento sobre el seguimiento y la notificación (RSN) de las emisiones de gases de efecto invernadero
• 601/2012 Araudiari buruzko azalpen oharrak

Instalazio batean 1/2005 Legeko (13/2010 Legeak aldatua) lehenengo eranskinean zehazten diren jardueretako bat edo gehiago ematen bada eta gas horietakoren bat isurtzen bada, instalazioak berotegi efektuko gasak isurtzeko baimena eduki beharko du titularraren alde, goian aipaturiko legeko 4. xedapen gehigarriak zehazten duenaren ondorioz baztertzen diren instalazioek salbu.

1/2005 Legearen 54. artikuluaren arabera, berotegi efektuko gasak isurtzeko baimenak honako eduki hau izango du:

a) Instalazioko titularraren izena eta helbidea

b) Instalazioaren identifikazioa eta helbidea

c) Instalazioko jardueren eta isurien deskribapena

d) Aplikagarria den araudi komunitarioa eta hori garatzeko gainerako araudiak betetzen dituen jarraipen plana.

e) Informazioa bidaltzeko betebeharrak, aplikagarria den araudi komunitarioarekin eta hori garatzeko gainerako araudiekin bat datorrena.

f) e bis) Jarraipen Planaren inguruko komunikazioa, urteko emisioen txostena eta titularraren, egiaztatzailearen eta organo eskumendunaren arteko komunikazioa bateratzeko sistema automatizatuak eta formatuak erabiltzeko betebeharra.

g) Egiaztatutako aurreko urteko isuri totalaren kantitate baliokidean emisioen eskubideak urte natural bakoitza amaitu ondorengo lau hilabeteko epean entregatzeko betebeharra.

h) Funtzionatzen hasteko aurreikusitako data.

i) Emisio eskubideen erregistroan instalazioetako titularren kontua irekitzeko betebeharra.

1/2005 Legearen 4.artikuluaren arabera, Organo eskumendunak, gutxienez 5 urtero, berotegi efektuko gasak isurtzeko baimena berrikusiko du, eta, hala badagokio, aldaketak egin.

Organo eskumendunak aukera eman dezake jarraipen planak aldatzeko baimena aldatu gabe. Instalazioetako titularrek jarraipen plan eguneratua organo eskumendunean aurkeztu beharko dute, azken onen oniritzia jasotze aldera.

El titular deberá informar al órgano competente de cualquier proyecto de cambio en el carácter, el funcionamiento, el tamaño de la instalación, o de aquellos que supongan ampliación o reducción significativa de su capacidad, así como de todo cambio que afecte a la identidad o al domicilio del titular. En su caso, a la vista de la información remitida, el órgano autonómico competente modificará de oficio la autorización de emisión de gases de efecto invernadero en el plazo máximo de tres meses.

1/2005 Legeko 7. artikuluaren arabera, honako kasu hauetan iraungiko da baimena:

a) Instalazioa ixten bada.

b) Instalazioa ez bada martxan jartzen baimenean ezarritako egunaren hurrengo hiru hiletan, baimena emateko organo eskumendunak kausa justifikatua dela adierazten badu salbu.

c) 30. artikuluan ezartzen diren kasuetan isunak jasotzen badira.

d) Instalazioaren jarduera urtebete baino gehiagoan eteten bada.

Bestalde, 1722/2012 Errege Dekretuan, 6. artikuluko 1. atalean, adierazten da guztizko etetea kasu hauetan gertatzen dela (6. artikuluko 2. atalean esandakoa salbu):

a) Berotegi efektuko gasak isurtzeko baimena, ingurumen baimen bateratua edota beste edozein ingurumen baimen baliogabetzen denean.

b) Aurreko puntuan aipatzen diren baimenak iraungitzen direnean.

c) Instalazioaren funtzionamendua teknikoki ezinezkoa denean.

d) Instalazioak lehenago funtzionatu arren, gaur egunean funtzionatzen ez badu, berriro martxan jartzea ezinezkoa den kasuetan.

e) Instalazioak lehenago funtzionatu arren, gaur egunean funtzionatzen ez badu, titularrak instalazioa 6 hileko epean (etete egunetik aurrera) martxan ipiniko dela bermatzerik ez duenean. Organo eskumendunak epe hori luzatu ahal izango du 18 hileko epe maximora, titularrak instalazioa 6 hileko epean martxan jartzea ezinezkoa izango duela bermatzen badu. Kasu hori salbuespeneko eta bat-bateko egoeretan bakarrik emango da, titularraren esku ez dauden arrazoiengatik ematen denean. Batik bat, hondamendi naturalak, gerrak, gerra mehatxuak, terrorismo ekintzak, iraultzak, istiluak, sabotajeak edota matxinadak direla medio. Organo eskumendunak, artikulu honen ondorioetarako, etete epea 12 hileko epearen gainetik luzatzen duen kasuetan, 1/2005 Legeko 7.artikuluko d atalean ezartzen den berotegi efektuko gasak isurtzeko baimenaren iraungitze epea luzatutzat joko da.

Kasu horietan, titularrak organo eskumendunari jakinarazi beharko dio, 1/2005 Legeko 29. artikuluko 2. atalean eta 1722/2012 Errege Dekretuaren 4. artikuluan ezarritakoaren arabera.

Instalazioaren titularrak honako kasu hauetan aldatu beharko du Jarraipen Plana:

• Jarraipen Planean agertzen ez diren jarduerak, erregaiak edo lehengaiak erabiltzearen ondorioz isuri berriak sortzen direnean.
• Erabilgarri dauden datuak aldatu direnean neurgailu berriak instalatu direlako, azterketa edo laginketa metodo berriak aplikatzen direlako edota beste edozein arrazoirengatik, isuriak zehaztasun handiagoz zehazten dituztelako.
• Aurreko jarraipen metodoa aplikatzean lortutako datuak okerrak direnean.
• Jarraipen Planean eginiko aldaketek jakinarazitako datuen zehaztasuna hobetzen dutenean, teknikoki bideraezina bada edo zentzugabeko kostuak sortzen dituenean salbu.
• Jarraipen Plana jarraipen eta jakinarazpeneko legeriarekin bat ez datorrenean eta, ondorioz, organo eskumendunak plana aldatzeko eskatzen dionean instalazioaren titularrari.
• Egiaztapen txostenean Jarraipen Plana hobetzeko gomendioak ezartzen direnean.

Jarraipen Planaren edozein aldaketa organo eskumendunak onetsi beharko du. Hauek dira Jarraipen Planaren funtsezko aldaketak:

1. Instalazioaren kategoria aldatzea.
2. Emisio baxuko instalazio izendapenari eragiten dioten aldaketak gertatzea.
3. Emisio iturriak aldatzea.
4. Isuriak zehazteko erabiltzen den metodologia aldatzea, kalkulu metodologia neurketa metodologiarekin ordezkatuta edo alderantziz.
5. Erabilitako maila aldatzea.
6. Isuriak dituzten iturri berriak sartzea.
7. Isuriak dituzten iturrietan aldaketak gertatzea, iturri horien sailkapena (nagusia, bigarren mailakoa edo minimis) aldatzea eraginez.
8. Kalkulu faktore baten balio lehenetsia aldatzea, balioa Jarraipen Planean eta Baimenean ezartzen denean.
9. Laginketa, azterketa edota kalibrazio prozedura berriak sartzea, isurien datuen zehaztasunari zuzenean eragiten dioten kasuetan.
10. Isuriak kuantifikatzeko metodologia aplikatu edo egokitzea, biltegiratze kokalekuan ihesak ematen direnean.

Jarraipen Planeko a, b, c, d, e, f eta h aldaketak ematen diren kasuetan, berotegi efektuko gasak isurtzeko baimena aldatu beharko da. Beraz, kasu horietan, Jarraipen Plana aldatzeko eskaera berotegi efektuko gasak isurtzeko baimena aldatzeko eskaerarekin batera bidali beharko da.

Izen soziala aldatzeak ere berotegi efektuko gasak isurtzeko baimena aldatu behar izatea eragiten du.

601/2012 Araudiaren 69. artikuluak ezartzen du jarraipen metodologia hobetzea posible den ala ez aldizka konprobatzeko betebeharra.

Instalazioek ekainaren 30a baino lehenago aurkeztu beharko dute txostena, honako kasu hauetan:

1. 69.4 artikuluan ezarritako baldintzak betetzen badira, irregulartasunei buruz edo egiaztatzaileak emisioen txostenean zehaztutako hobekuntza gomendioei buruz.
2. kostuak gehiegizkoak direlako edo teknikoki bideraezina delako maila baxuagoak aplikatzearen inguruan 69.2 artikuluan ezarritako baldintzak betetzen badira, edo jarraipen metodologia alternatiboa aplikatzeari buruz 69.3 artikuluan ezarritakoak betetzen badira.

Lehenengo kasuan, txostena egiaztatzaileak gomendioak eginiko urte berean aurkeztuko da.

Bigarren kasuan, 69.1 artikuluak esandakoari jarraituz aurkeztuko da, honako aldizkakotasun honekin:

• A kategoriako instalazioek, 4 urtero
• B kategoriako instalazioek, 2 urtero
• C kategoriako instalazioek, urtero

Instalazioek euren isurien kontrol eta jarraipena egin behar dute Baimenean ezartzen den metodologiaren arabera. Instalazioek isuri horiei buruzko txostena prestatu beharko dute eta lan hori egiteko akreditatuta dagoen egiaztatzaile batek egiaztatu beharko du txostena. 1/2005 Legearen arabera, instalazioen titularrek aurreko urteko isuriei buruzko txosten egiaztatua aurkeztuko diote organo eskumendunari, otsailaren 28a baino lehen.

Behin txostena jasota eta kalkuluen zuzenketak eginda, organo eskumendunak Europako Emisio Eskubideen Erregistroan inskribatuko du instalazio bakoitzari dagokion aurreko urteko isurien kopurua.