Oposizio-faserako prestatutako probak honako leku eta orduetan egingo dira:

Irailaren 18 (igandea): 16:00, Barakaldoko BEC erakustazokan.

1. pabilioia: ABAD – DA SILVA bitartean

2. pabilioia: DALAMA – HURTADO bitartean

5. pabilioia: IBABE – PIMIENTA bitartean

6. pabilioia: PINA – ZUZAETA bitartean

Gogoan hartu:

• Garraio publikoa hartzea duzu onena BEC erakustazokara iristeko (metroaren geltokia duzu instalazioen ondo-ondoan). Nola iritsi jakiteko .
• Ateak azterketa ordua baino 45 minutu lehenago irekiko ditugu. 
• Abizenaren arabera dagokion pabiloira joan beharko duzu. Pabiloi bakoitzaren barruan zenbakidun eremuak daude. Irailaren 15ean, ostegunean, abizenen eta azterketa-eremuen banaketa argitaratuko da webgune honetan.
• Egokitzapenen bat (azterketa zabalduak, zeinu-interpretea, etab.) edo proba egiteko laguntzaren bat eskatu duten pertsona guztiei aldez aurretik jakinaraziko zaie nora joan behar duten: atariko 1. gelara (0 maila) edo 5. pabiloira, edozein abizena dutela ere.

• Ez ahaztu NAN, gida-baimena edo pasaportea eraman behar duzula azterketara.
• Boligrafoa ere zuk eraman behar duzu (beltza edo urdina).
• Probaren A zatiak 40 galdera eta erreserbako 5 izango ditu. B zatiak 20 galderako bi aukera eta erreserbako 2 izango ditu. Hautatzen duzun aukeraren galderei erantzun beharko diezu.
• Bi probak batera entregatuko dira koadernotxo batean, eta ordu bat eta 45 minutu izango dituzu bi zatiak egiteko.
• Ariketak amaitu ondoren, galderen koadernoak eta erantzun zuzenen txantiloiak argitaratuko dira.
• Probaren emaitzak irailaren 22a baino lehen jakinaraziko dira.