II.- Aipatutako plana onartu eta gero, hiru dirulaguntza-lerro aurretik izapidetzeko beharra ikusi da, ez baitira jaso planean; gainera, 2023an onartu eta argitaratu beharko dira, oraindik onartu ez arren 2024rako Saileko Dirulaguntzen Plan Estrategikoa.

Honako hauek dira lehenago aipatu diren dirulaguntza lerroak: Laguntzak Zuzenbideko lizentziadunentzat, Justizia Administrazioko karrera judizialean, fiskalean eta letraduen kidegoan sartzea prestatzeko (Justizia Administrazioko Zuzendaritzak kudeatuta); Inklusio eta tratamendu komunitarioko proiektuak, zigortuak birgizarteratzeko (Justizia Zuzendaritzak kudeatuta); Euskal Autonomia Erkidegoko esku-hartze sozialaren eremuan hirugarren sektoreko jarduerak sustatzeko dirulaguntzak, abenduaren 4ko 271/2012 Dekretua garatzeko (Gizarte Zerbitzuen Zuzendaritzak kudeatuta).

Dirulaguntzen plan estrategiko batean deialdi bat sartzea onartu aurretik, haren balioaren betekizuna denez, beharrezkoa da Berdintasun, Justizia eta Gizarte Politiketako Sailaren Dirulaguntzen plan estrategikoa aldatzea 2023rako; hortaz, horretan sartuko dira aurreko paragrafoan aipatutako hiru dirulaguntza-lerroak.

Aipatutako hiru dirulaguntza-programak aurretiaz izapidetzeko, Euskal Autonomia Erkidegoko Aurrekontu Orokorren kontura emandako gastu-espedienteak aurretiaz izapideak arautzeari buruzko Ogasun eta Herri Administrazio sailburuaren 2007ko apirilaren 26ko Aginduaren arabera egingo da, eta dirulaguntzak ez dira emango kreditu nahikoa eta egokia egon arte.

Aurretik adierazitako guztiaren ondorioz, eta Berdintasun, Justizia eta Gizarte Politiketako Sailaren egitura organikoa eta funtzionala ezartzen duen urtarrilaren 19ko 12/2021 Dekretuaren 4. artikuluan ematen dizkidan eskumenei jarraikiz, honako hau

EBAZTEN DUT

Lehena.- Enpleguko eta Gizarte Politiketako Sailaren 2023. urterako Dirulaguntzen Plan Estrategikoa aldatzea, honela aldatu ere:

1) Eranskinaren 2. epigrafea aldatzen da, eta honela geratzen da idatzita:

2.- Planaren erakunde- eta denbora-eremua

Berdintasun, Justizia eta Gizarte Politiketako Sailaren dirulaguntza-jarduera osoa jasotzen du planak 2023. urtean; dena den, aurrekontuetan urte anitzeko partidak dituzten dirulaguntza-programen kasuan, aurrekontu-zuzkidura horiek aurreikusten duten denbora-tartea jaso da.
Era berean, 2024an eman beharreko eta 2023an aurrez izapidetuko diren laguntzen eta dirulaguntzen aurreikuspenak jasotzen ditu planak, Ogasun eta Herri Administrazioko sailburuaren 2007ko apirilaren 26ko Aginduan ezarritakoaren arabera (agindu horren bidez, Euskal Autonomia Erkidegoko Aurrekontu Orokorren kontura emandako gastu-espedienteak aurretiaz nola izapidetu arautzen da). Aurretiaz izapidetutako laguntzen eta dirulaguntzen deialdietan adierazi beharko da kreditu egokia edo nahikoa egotearen baldintza bete arte ez direla laguntzok emango.

2) Planaren Eranskineko 4. Epigrafearen (Dirulaguntza-lerroen laburpena) II. apartatuaren (Justizia Administrazioko Zuzendaritza) 3. apartatuan identifikatutako laguntzen lerroari dagozkion datuen ordez –aldi berean, 13. eta 14. orrialdeetan jasotako 2.1.3 lerroari dagokio–, Agindu honen I. eranskinean agertzen direnak jarriko dira.

3) Azpiapartatu bat gehitzen zaio Planaren Eranskinaren 4. Epigrafearen (Dirulaguntza-lerroen laburpena) I. apartatuari (Justizia Administrazioko Zuzendaritza), 1 bis zenbakiarekin eta izen honekin: Laguntzak Zuzenbideko lizentziadunentzat, Justizia Administrazioko karrera judizialean, fiskalean eta letraduen kidegoan sartzea prestatzeko. Aurretiazko izapidetzea 2024rako, eta dirulaguntza-lerro horri dagozkion datuak jasotzen dira, Agindu honen II. eranskinean dauden terminoen arabera.

4) Azpiapartatu bat gehitzen zaio Planaren Eranskinaren 4. Epigrafearen (Dirulaguntza-lerroen laburpena) II. apartatuari (Justizia Zuzendaritza), 3 bis zenbakiarekin eta izen honekin: “Inklusio eta tratamendu komunitarioko proiektuak, zigortuak birgizarteratzeko”. Aurretiazko izapidetzea 2024rako, eta dirulaguntza-lerro horri dagozkion datuak jasotzen dira, Agindu honen II. eranskinean dauden terminoen arabera.

5) Azpiapartatu bat gehitzen zaio Planaren Eranskinaren 4. Epigrafearen (Dirulaguntza-lerroen laburpena) III. apartatuari (Gizarte Zerbitzuen Zuzendaritza), 1 bis zenbakiarekin eta izen honekin: Euskal Autonomia Erkidegoko esku-hartze sozialaren eremuan hirugarren sektoreko jarduerak sustatzeko dirulaguntzak, abenduaren 4ko 271/2012 Dekretua garatzeko. Aurretiazko izapidetzea 2024rako, eta dirulaguntza-lerro horri dagozkion datuak jasotzen dira, Agindu honen II. eranskinean dauden terminoen arabera.

Bigarrena.- Agindu hau argitara ematea dagokien bitarteko ofizialen bidez eta, edonola ere, Berdintasun, Justizia eta Gizarte Politiketako Sailari www.euskadi.eus webgunean dagokion eremuan.

ERANSKINA