Ingurumena

Ingurumen-ebaluazioa

Industria, Trantsizio Energetiko eta Jasangarritasun Saila

Arautegia

Inprimatu

AGINDUA, 2023ko otsailaren 8koa, Ekonomia eta Ogasuneko sailburuarena, zeinaren bidez zazpiehun milioi euroko Euskadiko zor publikoa jaulkitzen baita eta eragiketa horren ezaugarriak zehazten baitira.

Identifikazioa

  • Lurralde-eremua: Autonomiko
  • Arau-maila: Agindua
  • Organo arau-emailea: Ekonomia eta Ogasun Saila
  • Jadanekotasuna-egoera: Indarrean

Aldizkari ofiziala

Deskargatu (PDF)

  • Aldizkari ofiziala: EHAA (Euskal Herria)
  • Aldizkari-zk.: 32
  • Hurrenkera-zk.: 795
  • Xedapen-zk.: ---
  • Xedapen-data: 2023/02/08
  • Argitaratze-data: 2023/02/15

Gaikako eremua

  • Gaia: Ogasun eta Ekonomía
  • Azpigaia: Ogasun; Ekonomia
Deskribapenak

Testu legala

Urtarrilaren 31ko 16/2023 Dekretuak erabaki eta baimentzen du zorpetze-eragiketak egitea 2023ko ekitaldiaren kontura; betiere, Euskal Autonomia Erkidegoko 2023. urteko Aurrekontu Orokorrak onartzen dituen abenduaren 23ko 15/2022 Legeak 10. artikuluko 1. paragrafoan Gobernu Kontseiluari emandako baimenaren kontura.

Dekretu horren xedapen gehigarriak xedatzen du ezen, Euskal Autonomia Erkidegoko Finantzei buruzko azaroaren 8ko 8/1996 Legean agindutakorekin bat etorriz, Ogasun eta Ekonomiako sailburuari dagokiola agindu baten bidez zehaztea zer tresna eta modalitate erabiliko diren xedapen horretan erabaki eta baimendutako zorpetze-eragiketak egiteko, eta zehaztea zein izango diren dekretu horretan jaulkipenari buruz aipatu ez diren finantza-baldintzak eta ezaugarriak, dekretuaren aurreikuspenen barruan betiere. Agindu hori Euskal Herriko Agintaritzaren Aldizkarian argitaratuko da, baldin eta zor publikoa balore gisa jaulkitzen bada.

Hori guztia kontuan izanik, honako hau

EBAZTEN DUT :
1. artikulua Zazpiehun milioi (700.000.000) euroko Euskadiko zor publikoa jaulkitzea, urtarrilaren 31ko 16/2023 Dekretuan jasotzen diren baimenei jarraikiz.
2. artikulua Jaulkiko den zor publikoak honako ezaugarri hauek izango ditu:

  1. Zenbateko nominala: 700.000.000 euro.

  2. Modalitatea: bonu jasangarriak.

  3. Jaulkitzeko prozedura: jaulkipen publikoa.

  4. Jaulkitze- eta ordainketa-data: 2023ko otsailaren 17a.

  5. Interesa: urteko nominalaren % 3,50, urtero apirilaren 30ean ordainduko dena; kupoi luze bat ordainduko da 2024ko apirilaren 30ean.

  6. Jaulkitze-prezioa: % 99,203.

  7. Amortizazio-prezioa: parekoa, balio nominalean.

  8. Amortizazio-data: 2033ko apirilaren 30a.

  9. Balioen adierazpidea: kontuan eginiko oharrak.

  10. Balio unitarioa: mila euro (1.000,00 euro).

  11. Jaulkipenaren kotizazioa: Bilboko Burtsa.

3. artikulua Ekonomia eta Ogasun Sailak, jaulkipena egiteko mandatua duen erakundearen edo erakundeen bitartez, erraztu egingo du jaulki beharreko jaulkipen-balioen harpidetza. Erakunde horiek horretarako gaituta daude, balore-merkatuaren indarreko araudiaren arabera.
4. artikulua Baimena ematen zaie Finantza eta Aurrekontuetako titularrari eta Finantza Politikako Zuzendaritzako titularrari, bietako edonori, sina ditzaten zorpetze-eragiketa hau egiteko behar diren kontratuak eta gainerako dokumentu erantsi eta osagarri guztiak.
5. artikulua Erakunde mandatari baten bidez ordainduko da harpidetza; Baloreen Erregistro, Konpentsazio eta Likidazio Sistemak Kudeatzeko Sozietateak, berriz, jaulkipenaren interesak ordaindu eta amortizatuko ditu, horretarako izendatutako Erakunde Eragilearen bitartez, eta Euskal Autonomia Erkidegoko Diruzaintza Nagusiaren irailaren 30eko 211/1997 Dekretuaren 38. artikuluan ezarritakoarekin bat etorriz.

Vitoria-Gasteiz, 2023ko otsailaren 8a.

Ekonomia eta Ogasuneko sailburua,

PEDRO MARÍA AZPIAZU URIARTE.

Gaiarekin lotutako edukiak


Arauaren historia (1)

Eskumenak eta transferentziak

Ez dago lotutako edukirik.

Garrantzi juridikoko dokumentazioa

Ez dago lotutako edukirik.