Liburutegi Zerbitzua

«Lurralde Antolamendua, Lanak eta Garraioak, eta Trafikoa eta Babes Zibila» jakintza-arloko I-A, I-B, II-A, II-B, II-C eta III-A berariazko osagarri-mailetako lanpostuak, Euskal Autonomia Erkidegoko Administrazio Orokorreko eta haren erakunde autonomoetako karrerako funtzionarioentzat gordeak, betetzeko lehiaketan bete beharreko berariazko oinarriak.

1. Xedea.

   Hauxe da oinarrion xedea: «Lurralde Antolamendua, Lanak eta Garraioak, eta Trafikoa eta Babes Zibila» jakintza-arloko Euskal Autonomia Erkidegoko Administrazio Orokorreko eta erakunde autonomoetako lanpostuak, I-A, I-B, II-A, II-B, II-C eta III-A berariazko osagarri-mailetakoak, lehiaketa bidez betetzeko balorazio-batzordea, eskabidea, proba-mota eta lanpostuak zehaztea (II. eranskinean datoz zehazturik lanpostu horiek).

2. Eskabideak aurkeztea eta onartzea.

1. Lehiaketa honetan parte hartzeko eskabideak aurkezteko, 15 egun balioduneko epea dago, berariazko oinarriak Euskal Herriko Agintaritzaren Aldizkarian argitaratu eta hurrengo egunetik aurrera.

   Parte hartu nahi dutenek intranet bidez egin beharko dute eskabidea, lehiaketen atalean dagoen eredua betez. Eskabidea jaso izanaren agiri bat emango zaie eskabideak era horretan aurkezten dituztenei.

2. Salbuespenez, deialdi honetako IV. eranskin modura datorren eredua aurkezteko aukera egongo da. Halakoetan, Funtzio Publikoko zuzendariari egin beharko zaio eskabidea. Lehiatzailea zerbitzu berezietan baldin badago edo seme-alabak zaintzeko lan-utzialdian baldin badago, lanpostua non duen gordeta, lanpostu horri dagokion sail, erakunde autonomo edo zuzenbide pribatuko erakunde publikoaren erregistroan aurkeztu beharko du eskabidea; borondatezko lan-uztaldian badago, berriz, azken lanpostua izan duen sail, erakunde autonomo edo zuzenbide pribatuko erakunde publikoaren erregistroan aurkeztu beharko du.

3. Eskabide baldintzadunak. Baliteke, lehiaketa honetan parte hartzeko baldintzak betetzen dituzten bi pertsonak, familia-elkarbizitza dutela-eta, herri berean eta hurbileko herrietan lortu nahi izatea lanpostua, lehiaketa honetan. Halakoetan, lanpostua biek ala biek lortu beharra adieraz dezakete eskabideetan, baldintza modura; hala, baldintza hori betetzen ez bada, indarrik gabe geratuko dira dena delako herriko lanpostuetarako egindako eskabide biak.

4. Eskabideak aurkezteko epea amaitutakoan, ez da aldaketarik onartuko eskabideetan. Alabaina, lehiatzaileek, hala nahi badute, lehiaketan atzera egiteko eta ez parte hartzeko aukera ere izango dute, esleipenen behin-behineko zerrendaren aurka erreklamazioak egiteko epearen barruan.

5. Lanerako baldintzak betez gero, iragarritako lanpostu hutsetatik nahi diren guztiak eska daitezke, lehentasunak zehaztuta betiere.

6. Lehiaketa batean baino gehiagotan eskainitako edo kidego bateko baino gehiagoko lanpostuetara aurkeztu nahi izanez gero, lehentasunen arabera zehaztu beharko dituzte lanpostu horiek. Horretarako, iragarritako berariazko lehiaketa guztietako II. faseko behin betiko emaitzak argitaratutakoan, Funtzio Publikoko sailburuordearen ebazpenaren bidez, 5 egun balioduneko epea irekiko da, lehiakide horiek beren lehentasunen arabera erregistra ditzaten lanpostu horiek, bai berariazko lehiaketan bai lehiaketa orokorrean, eta ezin izango da aldaketarik egin lehiaketa bakoitzaren barruan zehaztutako lanpostuen ordenan.

7. Bai lanpostuaren baldintzak betetzen direla egiaztatzeko agiriak, bai merezimenduak egiaztatzekoak, eskabidearekin batera aurkeztu behar dira, oinarri orokorretako 8. oinarrian zehazturik datorren moduan, eta, eskabide elektronikoa egiten bada, eskabideak aurkezteko epe beraren barruan egiaztatu beharko dira merezimenduak edo baldintzak.

   Epe barruan aurkezten ez badira, egiaztatu gabetzat joko dira.

3. Merezimenduen balorazioa (II. fasea).

   Fase honetan, lanpostu bakoitzaren ezagutza- eta trebetasun-garrantzitsuenen arabera baloratuko dira merezimenduak, oinarri orokorretako 6. oinarrian ezarritako irizpideen arabera.

   Honako lanpostu hauetako bat lortu nahi dutenek lanpostuak berezkoak dituen atazei buruzko proba praktiko bat egin beharko dute.

   510760 Arrisku eta larrialdietako teknikaria.

   511011 Portu eta itsas gaien arduraduna.

   511031 Garraio-azpiegituren arduraduna.

   511390 Trafiko-ikerketako teknikaria.

   511391 Trafikoa kudeatzeko zentroaren arduraduna.

   511392 Trafiko-ikerketako arlo-arduraduna.

   510781 Trafikoko lurralde-arduraduna.

   510462 Instalazioen eta mantentze-lanen arloaren arduraduna.

   510930 Lurralde-antolamenduko arkitektoa.

   510932 Lurralde antolamenduko arlo-arduraduna.

   510942 Obra eta eraikuntzetako arlo-arduraduna.

   510950 Lurralde-antolamenduko azterlanetako teknikaria.

   Honako lanpostu hauetako bat lortu nahi dutenek lanpostuak berezkoak dituen atazei buruzko proiektu bat egin beharko dute.

   511001 Garraioaren antolamendu eta kudeaketaren arduraduna.

   510461 Obra, instalazio eta mantentze-lanen arduraduna.

   510941 Obra eta eraikuntzen arduraduna.

   510961 Kartografia-arduraduna.

4. Balorazio Batzordea.

   Hauek izango dira batzordekideak:

   Batzordeburua:

   Titularra: Jose Ignacio Trancho Elorriaga.

   Ordezkoa: Gaizka Echabe Astoreca.

   Kideak:

   Titularra: Jesus María Erquicia Olaciregui.

   Ordezkoa: Jose Francisco Guereñu Miranda.

   Kideak:

   Titularra: Miren Idoia Ortubia Ródriguez.

   Ordezkoa: Juan Carlos Aguirre Huerga.

   Kideak:

   Titularra: Emilio De Francisco Ugartondo.

   Ordezkoa: Augusto Carlos Terrero Martínez.

   Kideak:

   Titularra: M.ª Carmen Solozabal Guisasola.

   Ordezkoa: Lucio Fernández de Retana Garmendia.

   Kideak:

   Titularra: Luis Ignacio López de Aguileta Salazar.

   Ordezkoa: Luis Gómez Oña.

   Idazkaria:

   Titularra: M.ª Luisa Madinabeitia Rivares.

   Ordezkoa: Luis María Moreno Díez.

   (Ikus .PDF)

   (Ikus .PDF)

   (Ikus .PDF)