Creadis3 - Smart Creative Districts ekimena Kultura eta Sormen Industrien (KSI) eremuko Europako ekimen bat da, eta Europar Batasuneko sei lurralde lotzen ditu. Eusko Jaurlaritzako Kultura eta Hizkuntza Politika Saila proiektu horren buru da.

Kulturaren Euskal Behatokiak egin duen sailkapenetik abiatuz, Euskadiko Kultura eta Sormen Industriak eratzen dituzten azpisektoreak eta jarduerak honela definitu eta multzokatu dira:

Kulturaren Euskal Behatokiaren datuen arabera, KSI sektorearen zifrak hauek dira:

2019an, Kultura eta Sormen Industriak EAEko enpresen %10,25a dira, eta guztizko enpleguen % 5,29a.

Sektoreko enpresak mikroenpresak dira batik bat, bakoitzak 2,99 lanpostuko ratioa duelarik (EAEk orokorrean 5,79ko ratioa du). Sormen Industrien kasuan datu hau nabarmenagoa da, enpresa bakoitzak 2,21 lanpostuko ratioa duelarik.

Laguntza-programak: KSIetako sektorea egituratzea eta garatzea ahalbidetu nahiz erraztuko duten zeharkako hainbat laguntza-programa zehaztea eta garatzea.

• KSITek: kultura eta sormen-industriei (KSI) zuzendutako programa da. Lehentasunezko erronka da digitalizazio teknologiak txertatzea eta transferitzea KSI enpresen esparruan. KSITek programa berria da, eta KSI Berritzaile programaren ardatz teknologikotik dator (2017-2020). Helburua da "kultura eta sormen-industrien (KSI) eta teknologia-sektorearen (oinarri teknologikoko enpresak eta ZTBESko zentroak) arteko lankidetza sustatzea, merkatu globalenetarako sortutako produktu eta zerbitzu berritzaileak eratzeko eta sinergiak eta aukera eta garapeneko espazio berriak sortzeko". KSI sektoreko enpresak aurkeztu ahal izango dira beraiek aukeratutako eragile teknologikoarekin. "KSI sektorearen eraldaketa digitala errazten duten proiektuak" identifikatu nahi dira. Onartutako proiektuek apustu garbia egin beharko dute enpresek beren produktu eta zerbitzu nagusien eraldaketa digitalean bilaka dezaten. Teknologiak balio erantsia eman beharko du enpresak eskaintzen dituen egungo produktuen/zerbitzuen diseinuan, ekoizpenean, sorkuntzan, banaketan, erakusketa, kontsumoan eta elkarreraginean. Programaren hasiera: 2021 -
• EGOKITU zerbitzua: EGOKITU zerbitzua dagoeneko ezarrita dauden eta nolabaiteko ibilbidea duten KSI sektoreko enpresei zuzenduta dago; izan ere, egungo krisiaren ondorioz, negozio-eredua birpentsatu behar duten, egungo finantzaketa kudeatzeko laguntza edo aholkularitza behar duten, edo beren produktu eta zerbitzuen edo prozesuen digitalizazioari ekin behar dioten enpresei zuzenduta dago. Beraz, programa hau EZ dago bideratuta negozio edo bideragarritasun-plan bat garatzeko sortu berri diren enpresa berrientzako, ez du lagunduko finantzaketa-iturri alternatiboak aurkitzen edo laguntza ekonomikoak eskatzen, eta ez du balioko eremu digitalean edo online presentzia handiagoa lortzeko. Arazo horiek badituzte, toki eta eskualde mailan hainbat erakundek kudeatzen dituzten programa zehatzagoak. Programaren hasiera eta amaiera: 2021
• KSI Berritzaile: 2017an, KSI Berritzaile programa pilotua abiatu zen, Euskadiko Kultura eta Sormen Industrietako enpresei zuzendurikoa, proiektu berrietarako aukera-guneak sortzeko eta garatzeko xedez, hiru jarduketa-ardatzetan oinarrituta: berrikuntza eta transferentzia teknologikoa, antolaketa-ereduaren berrikuntza eta enpresen gaikuntza finantzarioa. Programaren hasiera: 2017 Programaren amaiera: 2020
• KSIAtea: 2019an, Kultura eta Sormen Industriak Nazioartekotzeko Programa Pilotua abiaraziko da. Programa pilotuaren proiekzioan, KSIen sektoreko euskal enpresak nazioartekotzeko planak egitea, ebaluatzea eta horien emaitzak hedatzea aurreikusi da. Euskal enpresak nazioartekotzeari begira indarrean dauden programetara eta ekimenetara IKS enpresak ere sartzea erraztuko duen programa izango da hori. Programaren hasiera: 2019 Programaren amaiera: 2020

Sare lana: hori guztia, Euskal Autonomia Erkidegoan KSIen sektorea eratzen duten eta jarduketa-ildo hauetan modu aktiboan parte hartzen duten askotariko agente pribatuekin (elkarte eta kluster sektorialak) nahiz publikoekin (Euskal Autonomia Erkidegoko hainbat administrazio-mailatakoak: foru-aldundiak eta udalak, eta Kultura eta Ekonomia Sustatzeko Sailen alderdi bikoitzean) elkarlanean:

• RIS3 pilotaje-taldea
• Stakeholders Creadis3 taldea
• Sentsibilizatzea eta KSI laguntza-programak eta ekitaldiak hedatzea errazteko nodoak

DC Network: Nazioarteko foro horrek mundu osoko 13 eskualde biltzen ditu, eta haien lehentasunezko agendaren barruan, sormena eta berrikuntza daude. Sareak mundu osoko eta hainbat arlotako pertsonak bildu nahi ditu, pentsamendu sortzailearen ahalmena sustatu eta erabiltzeko eta ezagutza, teknologia eta baliabideak konbinatzeko modu berriak identifikatzeko helburua du. International Districts of Creativity (DC) Network sarea osatzen duten eskualdeen ikuspegitik, sorkuntza-industriak etorkizuneko funtsezko sektoreetako bat dira.