Salburuko tranbia
Linea berriari esker, inguru horretako 13.700 biztanlek tranbia geraleku bat dute euren etxeetatik bost minutu baino gutxiagora, eta beste 18.300ek hamar minutu baino gutxiagora.
Gasteizko tranbia Salburuara zabaltzeko eraikuntza-obra 2020ko uztailean hasi zen, pandemiaren erdian, bete den 30 hilabeteko epe batekin (obra zibila+instalazioak). 2023ko urtarrilaren hasieran, material mugikorraren probak hasi ziren, erremate eta doikuntzarik ezean.Hiru hilabete beranduago, apirilean, serbitzuan jarri zen.
Lehenengo hormigoia Iliada pasealekua eta Astronomo kalea bat egiten diren biribilgunean jarri zen, 2021eko maiatzean. Aurreikusitako epeak bete dira, eta ez da aparteko ezustekorik izan.
Zati berriak 2,5 kilometroko luzera du eta Santa Luzia, Iliada, Nikosia, La Unión eta Salburua izeneko bost geraleku berri ditu. Guztizko inbertsioa 25 milioi eurokoa da, eta Eusko Jaurlaritzak % 65 finantzatu du; gainerako % 35a, berriz, Gasteizko Udalak eta Arabako Foru Aldundiak jarri dute, erdibana.
Geltoki berriak alboetako nasekin diseinatu dira, eta guztira 50 metroko luzera (sartzeko arrapalak barne), 3,5 metroko zabalera eta 25 zentimetroko altuera izango dute. Tranbia, trazadura berriaren % 95, bide berdean joango da.
Proiektuan, tranbiak zeharkatzen dituen kaleak erabat berritu dira, eta tranbia-plataformaren ondoko bidegorri bat gehitu da, 2,20 metroko zabalerakoa, ia trazadura osoan zehar.
Onurak
Konexio hobeagoa
Linea luzatzean hobetu egingo da Judimendi, Santa Luzia eta Salburua inguruaren eta hiriaren erdialdearen eta iparraldearen arteko lotura. Halaber, auzo horiek autobus geltoki berriarekin eta Unibertsitateko adarraren hegoaldeko luzapenarekin lotzeko aukera emango du.
Jasangarria
Tranbia batek hiru autobusek eta 130 ibilgailu partikularrek adina pertsona garraiatzeko ahalmena du, ibilgailuak baino 15 bider energia gutxiago kontsumituz eta CO2 zero emisiorekin.
Irisgarria
Nasetarako sarbidea zuzenean kaleko mailatik edo arrapalen bitartez. Geltokiek eserlekuak, babeserako markesinak eta makina automatikoak dituzte.
Intereseko bestelako informazioa
Linea berriari esker, inguru horretako 13.700 biztanlek tranbia geraleku bat dute euren etxeetatik bost minutu baino gutxiagora, eta beste 18.300ek hamar minutu baino gutxiagora. Luzapenak hartuko duen guneak 27.700 biztanle inguru ditu gaur egun, eta etorkizunean 37.000 biztanle izango dituela aurreikusten da.
Datu interesgarriak
Tartea
Tarte berriak bost geraleku izango ditu: Santa Luzia, Iliada, Nikosia, La Unión eta Salburua
Luzapena eta Konexioa
Jarduketaren barruan, Florida kalean dagoen bidegorria luzatzea eta Jacinto Benaventetik doanarekin lotzea jasotzen da.
Erabiltzaileak
Vitoria-Gasteizko tranbiak erabilera eta balorazio marka guztiak gainditu ditu: 8,3 milioi erabiltzaile 2019an.
Azken aldaketako data:
