Lehendakaritza

Europar Batasuna eta Kanpo Harremanak

Lehendakaritza

Negoziazio-errondak (lehenengo fasea)

Lehen esan dugun bezala, Kontseilu Europarra ez da Erresuma Batua EBtik ateratzearen inguruko negoziazioak garatzeko foroa; izan ere, zeregin hori Erresuma Batuak eta Europar Batasunak horretarako izendatu dituzten negoziazio-taldeei dagokie. 

2017ko ekainaren 19tik azaroaren 10era bitartean, EBko eta Erresuma Batuko taldeek 6 negoziazio-erronda egin dituzte. Horien buruak izan dira Michel Barnier, EBren aldetik, eta Brexit-erako Ministroa den David Davis, Erresuma Batuaren aldetik.  

Negoziazioen ardatza hiru gai-bloke izan dira: 

(i) herritarren eskubideak;

(ii) finantza-likidazioa;

(iii) Irlanda, batez ere Common Travel Area-ri (Irlandaren eta Erresuma Batuaren artean dagoen pasaporterik gabeko eremua) eta Ostiral Santuko Akordioei dagokiona 

Negoziazioak 4 asteko ziklotan antolatu dira.  

Negoziazioak Bruselan egin dira, eta lortutako aurrerapenak hilean behin jakinarazi dituzte jendaurrean, negoziazio-taldeen buruek. 

Negoziazioen ziklo edo erronda bakoitzak lau etapa izan ditu:

(i) Barneko prestatze-lana eta kontsultak;

(ii) Iritziak trukatzea bi alderdien artean;

(iii) Negoziazioa;

(iv) Onartutako printzipioekin bat etorriz, txostenak aurkeztea eta argitaratzea.  

Lehenengo fase honetako negoziazio-errondei buruzko informazioa:

Azken aldaketako data: