Durangon egin den esku-hartze integrala lehen mailako hirigintzako jazoera izan da. Bere esku dagoen trenbide sarea, segurtasunari eta zerbitzu hobeak eskaintzeari dagokienez hobetzeko xedez, Eusko Jaurlaritzak inoiz gauzatu duen asmo handieneko proiektua da. Baina ez hori bakarrik. Herri horretatik eta Abadiñon dagoen Traña-Matienatik igarotzean trenbidearen hiri integrazioa hobetzeko ere balio izan du.

Eusko Jaurlaritzak finantzatu du osorik 250 milioi euroko operazioa. Laburbilduz, hauek izan dira operazioaren alderdi nagusiak:

• Trenbidea bikoiztea Amorebieta eta Lebario artean (14,3 km.).
• Trazatua lur azpian sartzea Iurreta-Durango-Abadiño tartean(2,6 km.).
• Geltoki berriak eraikitzea Durangon, Euban eta Trañan.
• Tailerrak eta Kotxetegiak eraikitzea Lebarion.
• Durango erdialdean zeuden trenbide azpiegiturak desmuntatzea eta 60.000 metro karratu libre uztea
• 27 trenbide pasagune kentzea
• Lur azpiko aparkalekua (400 plaza) eraikitzea Durangoko geltokiaren eta merkataritza gunearen ondoan