2002ko apirilaren 13an, bost urte baino gehiagoko lanen eta proiektuak egiten urte gehiago igaro ondoren, Bilboko metroa Ezkerraldera heldu zen. Gurutzetako, Ansioko, Barakaldoko, Bagatzako eta Urbinagako geltokietan bizi ziren pertsonak sare metropolitarrera igo ziren. 2005eko urtarrilean Sestaoren txanda izan zen. Abatxolok eta Portugaletek 2007ko urtarrilean egin zuten. Bi urte geroago, 2009ko uztailaren 4an, Portugalete-Santurtzi tartea zerbitzua ematen hasi zen, beste bi geltokirekin: Peñota eta Santurtzi. 2010eko irailaren 3ra arte itxaron behar izan zen "Mamarigako kanoia" izenez ezagutzen dena funtzionatzen hasteko. Santurtziko leku horretan bizi direnei minutu gutxitan metroko sarera heltzeko aukera ematen dien lantzadera da. Azkenean, 2014ko ekainean metroaren ezkerraldeko hedapenari amaiera eman zitzaion, 2.400 metro luze den Santurtzi-Kabiezes tartearen inaugurazioarekin. Erabat lur azpian dagoen Kabiezeseko geltokiak Bilboko Trenbide Metropolitarraren geltoki tipoari erantzuten dio, eta Kabiezes plazaren azpian dago.

Linearen beste muturrean, Etxebarri-Basauri tartea erabat ari da funtzionatzen 2011ko azarotik. Urte horretako otsailaren 28an Arizko geltokia inauguratu zen. Ondoren, 2011ko azaroaren 11n, Basauriko geltokia martxan jarri zen.