Kasuren batean, lanpostuak aukeratzera deitutako pertsonei hautagarri gisa agertzen zaizkie hautaketa-prozesuaren barruan egiaztatu dutena baino hizkuntza-eskakizun handiagoa duten lanpostuak; izan ere, deialdiko oinarri espezifikoetan ezarritako egiaztapen-dataren ondoren egiaztatu dute hizkuntza-eskakizun hori.
Egoera horrek eragiten dien pertsona guztiei jakinarazten zaie hautaketa-prozesuan aitortu zaien hizkuntza-eskakizuna duten lanpostuak baino ezin izango dituztela lortu, eta inola ere ez zaiela esleituko deialdiaren oinarri espezifikoetan ezarritako epearen ondoren lortutako hizkuntza-eskakizuna duten lanposturik, nahiz eta aplikazioak lanpostu horiek hautagarri gisa erakutsi.