Fabrikazio aurreratuko teknologietan espezializatutako zentro teknologiko bat da, eta enpresei merkatuan hobeto kokatzeko eta lehiakortasuna bultzatzeko soluzio teknologiko berritzaileak eta bereizleak ematea du helburu.

Zentroaren espezializazioa 4 ikerketa-talderen bidez garatzen da: Diseinua eta doitasun-ingeniaritza, Fabrikazio-prozesuak, Dinamika eta kontrola, eta IKTak eta automatizazioa. Haiei esker, IDEKOk fabrikazio eta produkzio industrialeko teknologien inguruko soluzio integral bat eskain dezake, eta hainbat sektoretan (hala nola makina-erremintan, trenbidean, aeronautikan, ekipamendu-ondasunetan, automozioan eta energian) bezeroen produkzio- eta lehiakortasun-ahalmenak hobetuko dituzten ikerketaren emaitzak enpresari transferitzeko beharrezkoa den oreka eman dezake.